PHOTOS: भारती सिंह ते देबिना बॅनर्जी या टीव्ही अभिनेत्रींचा यंदा पहिलाच Mother's Day

'आई' हा असा शब्द आहे ज्यात शब्दांपेक्षा भावना जास्त आहेत. आई ही प्रेम आणि त्यागाची ती मूर्ती आहे, जिची बरोबरी कोणीही करू शकत नाही. 'मदर्स डे' हा आईच्या प्रेमाला आणि मातृत्वाला समर्पित केलेला एक खास दिवस आहे. जो मे महिन्याच्या दुसऱ्या रविवारी साजरा केला जातो. यावर्षी 8 मे 2022 रोजी मदर्स डे साजरा केला जात आहे. यावर्षी पहिल्यांदाच आई-वडील झालेल्या सर्व सेलिब्रिटींसाठीही यंदाचा मदर्स डे खूप खास आहे.

प्रसिद्ध कॉमेडियन भारती सिंह आणि हर्ष लिंबाचिया यांना आई-वडील होऊन एक महिना झाला आहे. दोघेही आपल्या गोंडस मुलासोबत प्रत्येक क्षणाचा आनंद घेत आहेत. 'हुनरबाज' शोमध्ये या सेलिब्रेटी कपलने त्यांच्या मुलाची झलकही शेअर केली आहे.

टीव्ही जगतातील लोकप्रिय सेलिब्रेटी कपल देबिना आणि गुरमीत चौधरी यांनी काही दिवसांपूर्वी त्यांच्या लेकीचं स्वागत केलं आहे. जिचं नाव त्यांनी लियाना ठेवलं आहे. ती अनेकदा आपल्या मुलीसोबतच्या पोस्ट सोशल मीडियावर शेअर करत असते.

लोकप्रिय टीव्ही अभिनेत्री किश्वर मर्चंट आणि सुयश राय 27 ऑगस्ट 2021 रोजी एका लेकाचे पालक बनले आहेत. त्यांनी आपल्या मुलाचे नाव निरवैर असं ठेवलं आहे. किश्वर सतत सोशल मीडियावर आपल्या मुलासोबतचे फोटो शेअर करत असते.

होस्ट, गायक,अभिनेता आदित्य नारायणची पत्नी अभिनेत्री श्वेता अग्रवालने देखील 24 फेब्रुवारी 2022 रोजी एका मुलाला जन्म दिला आहे.

'कुमकुम भाग्य' फेम पूजा बॅनर्जी आणि संदीप सेजवाल यावर्षी 13 मार्च रोजी एका लेकीचे पालक बनले आहेत. त्यांनी आपल्या मुलीचे नाव सना ठेवले आहे.