Shefali Shah: एकेकाळी 'या' अभिनेत्याच्या प्रेमात होती शेफाली शाह; पत्र पाठवून दिली होती कबुली

अभिनेत्री शेफाली शाहने आपल्या अभिनयाच्या जोरावर चित्रपटसृष्टीत आपले वेगळे स्थान निर्माण केले आहे. या अभिनेत्रींच्या प्रत्येक भूमिकेचे प्रेक्षकांकडून कौतुक होते.

शेफाली शाहचे यावर्षी बॉक्स ऑफिसवर एक नव्हे दोन नव्हे तब्बल 5 चित्रपट प्रदर्शित झाले आहेत. त्यापैकी 'जलसा', 'दिल्ली क्राइम' आणि 'डार्लिंग्स' मधील तिच्या भूमिकांचं खूप कौतुक झालं. ओटीटी आणि मोठ्या पडद्यावर प्रदर्शित झालेल्या या पाचही चित्रपटांमध्ये शेफालीने दमदार भूमिका निभावल्या आहेत.

शेफाली या कार्यक्रमात तिला सुरुवातीच्या दिवसात बॉलिवूडच्या प्रसिद्ध अभिनेत्यावर क्रश होता हा खुलासा केला आहे.

हा अभिनेता म्हणजेच आमिर खान. शेफालीने सांगितले की, तिला करियरच्या सुरुवातीला आमिर खानवर क्रश होता.

इतकंच नाही तर शेफाली तिच्या क्रश मिस्टर परफेक्शनिस्ट आमिर खानला चक्क प्रेमपत्रही लिहायची. याविषयी बोलताना शेफालीने सांगितले की, ''मी आमिर खानला पत्रही पाठवले होते. एवढंच नाही तर त्यासोबत माझा एक फोटोही पाठवला होता.''

विशेष गोष्ट म्हणजे शेफालीने आमिर खानच्याच 'रंगीला' या चित्रपटातून बॉलिवूडमध्ये पदार्पण केले होते. पण या चित्रपटात आमिर खानसोबत तिचा एकही सीन नव्हता.

'रंगीला' शेफालीचा एकही सीन आमिर खानसोबत शूट झालेला नाही. न्यूज18 शोरीलमध्ये, शेफालीने तिच्या चित्रपट आणि अभिनयाबद्दल अनेक रंजक गोष्टी सांगितल्या आहेत.

शेफाली शाहच्या कारकिर्दीविषयी सांगायचं तर तिला 1998 मध्ये 'सत्या' चित्रपटासाठी सर्वोत्कृष्ट अभिनेत्रीचा फिल्मफेअर पुरस्कार देखील मिळाला आहे. तिने आतापर्यंत अनेक उत्तमोत्तम चित्रपटांमध्ये काम केले आहे. ज्यामध्ये 'गांधी माय फादर', 'दिल धडकने दो', 'ब्रदर्स', 'द जंगल बुक' आणि 'कमांडो 2' इत्यादी भूमिका गाजल्या आहेत. येणाऱ्या काळात ती 'थ्री ऑफ अस' चित्रपटात दिसणार आहे.