PHOTOS: सिद्धार्थ-कियारा ते दिशा-टायगर 'हे' 7 बॉलिवूड कपल फॉरेन डेस्टिनेशनवर करणार NEW YEAR सेलिब्रेशन

सध्या सर्वत्र नव्या वर्षाची धूम आहे. प्रत्येकजण नवीन वर्षाचं स्वागत करण्याच्या तयारीत आहे. अशातच बॉलिवूड कलाकार परदेशात जाऊन जंगी सेलेब्रेशन करत आहेत. काही कलाकारांनी मालदीवचा पर्याय निवडला आहे. तर काहींनी सीक्रेट डेस्टिनेशनवर जाण्याला पसंती दिली आहे. कियारा-सिद्धार्थ, टायगर दिशा असे अनेक बॉलिवूड कलाकार न्यू इयरसाठी मुंबईबाहेर जाताना दिसून आले. पाहूया या लिस्टमध्ये आणखी कोणकोण आहे?

'शेरशाह'च्या प्रसिद्धी नंतर कियारा आणि सिद्धार्थ मल्होत्राची प्रचंड चर्चा झाली. सध्या हे दोघे नवीन वर्षाच्या स्वागतासाठी मालदीवला रवाना झाले आहेत. नुकताच या दोघांना मुंबई एयरपोर्टवर स्पॉट करण्यात आलं आहे. विरल भयानीने फोटो शेअर केले आहेत.

तसेच बॉलिवूडमधील सर्वात चर्चित कपल्सपैकी एक म्हणून अभिनेत्री आलिया भट्ट आणि रणबीर कपूर यांना ओळखलं जातं. हे दोघेही नुकताच मुंबई एयरपोर्टवर दिसून आले. परंतु ते कोणत्या ठिकाणी आपला न्यू इयर साजरा करणार आहेत, याचा खुलासा झालेला नाही.

मलंग गर्ल दिशा पाटनीसुद्धा बॉयफ्रेंड आणि अभिनेता टायगर श्रॉफसोबत मालदीवला गेली आहे. तिने आपले काही फोटोसुद्धा शेअर केले होते. हे दोघे मालदीवमध्येच आपला न्यू इयर साजरा करणार असल्याचं समजतं.

खिलाडी कुमार म्हणून प्रसिद्ध असलेला अभिनेता अक्षय कुमारसुद्धा आपल्या पत्नीसोबत मालदीवला गेला आहे. याठिकाणीच ते आपल्या नवीन वर्षाचं सेलिब्रेशन करणार आहेत. नुकताच मालदीवमध्ये अक्षयनवे ट्विंकलचा बर्थडे साजरा केला होता.

अभिनेता रणवीर सिंह आणि दीपिका पादुकोणसुद्धा परदेशातच आपल्या नवीन वर्षाचं स्वागत करणार आहेत. ते कोणत्या ठिकाणी गेले आहेत हे अद्याप समजलं नाही. परंतु त्यांना मुंबईबाहेर जाताना स्पॉट करण्यात आलं होतं.

नुकताच सोहेल खान, अर्पिता खान आणि आयुष शर्मासुद्धा एयरपोर्टवर जाताना दिसून आले. असं म्हटलं जात आहे, की हे लोक न्यू इयर सेलिब्रेट करण्यासाठी गेले आहेत.

अभिनेता सुनील शेट्टीसुद्धा आपल्या पत्नीसोबत मुंबई एयरपोर्टवर स्पॉट झाला. त्यामुळे तेसुद्धा न्यू इयर सेलिब्रेट करण्यासाठी गेले असल्याचं म्हटलं जात आहे