'हे' आहेत बॉलिवूडचे सर्वात वादग्रस्त ब्रेकअप; कधीकाळी एकमेकांच्या प्रेमात आकंठ बुडाले होते.

बॉलिवूड कलाकारांचं आयुष्यात कोणत्याचं गोष्टी खाजगी नसतात. त्यांच्या चाहत्यांना कलाकारांची प्रत्येक गोष्ट माहिती असते. मग त्यांच्या आवडीपासून ते त्यांच्या अफेयर्स पर्यंत सर्वांचा समावेश यात होतो. मात्र काही अफेयर्स आणि ब्रेकअप असे आहेत जे खुपचं वादग्रस्त ठरले होते.

या यादीत सलमान खान आणि ऐश्वर्या रॉयचं नाव सर्वात आधी येतं. बॉलिवूडमध्ये सर्वात वादग्रस्त लव्हस्टोरी म्हणून याकडे पाहिलं जातं. सलमान ऐश्वर्यावर जितकं प्रेम करत असल्याचं दिसत होतं, तितकचं वादग्रस्त यांचं ब्रेकअपसुद्धा होतं.

हृतिक रोशन आणि कंगना रनौत यांचं ब्रेकअपसुद्धा बरचं वादग्रस्त ठरलं होतं. 'क्रिश 3' च्या निमित्ताने ही जोडी समोर आली होती. मात्र पुढे कंगनाने हृतिकवर धोका दिल्याचा आरोप करून खळबळ माजवली होती. मात्र हृतिकसुद्धा गप्प बसला नव्हता, त्याने हे सर्व आरोप खोटं असल्याचं सांगत तिच्यावर मानहानीची तक्रार दाखल केली होती.

कधीकाळी अक्षय कुमार आणि शिल्पा शेट्टी यांची लव्हस्टोरीसुद्धा खुपचं चर्चेत होती. मात्र या दोघांचंसुद्धा ब्रेकअप झालं होतं. अक्षयने नंतर ट्विंकलसोबत लग्न केलं होतं. त्यावेळी शिल्पाने म्हटलं होतं,' दुसरी कोणी मिळाली म्हणून मला इतक्या सहजपणे सोडलं' त्यामुळे हा ब्रेकअपसुद्धा खुपचं वादग्रस्त ठरला होता.

करीना कपूर आणि शाहिद कपूर यांची लव्हस्टोरीसुद्धा बॉलिवूडमध्ये खुपचं फेमस होती. मात्र काही वर्षानंतर यांच्या ब्रेकअपने सर्वांनाचं धक्का दिला होता. ब्रेकअपच्या काही वर्षांनंतर शाहिदने आपल्या नात्याबद्दल काही खुलासे केले होते.

दीपिका पादुकोण आणि रणबीर कपूर बॉलिवूडचे क्युट लव्हकपल्स म्हणून ओळखले जात होते. दीपिकाने तर रणबीरच्या नावाचा टैटूसुद्धा बनवला होता. मात्र रणबीरने धोका दिल्यामुळे या दोघांचं ब्रेकअप झाल्याचं म्हटलं जातं.

कॅटरीना कैफ आणि रणबीर कपूरच्या लव्हस्टोरीची सुद्धा खुपचं चर्चा झाली होती. मात्र कालांतराने हे नातंसुद्धा फारकाळ टिकू शकलं नाही.

अभिनेत्री प्रीती झिंटा आणि नेस वाडिया यांचं ब्रेकअपसुद्धा खुपचं वादग्रस्त ठरलं होतं. प्रीती आणि नेस एक बिझनेस पार्टनर आणि लव्ह कपलसुद्धा होते. मात्र काही काळाने यांच्या नात्यात काहीतरी बिनसलं. इतकचं नव्हे तर नेसने प्रीतीवर हात उचलल्याचं देखील म्हटलं जातं.