Unmarried Actress: या अभिनेत्रींना पन्नाशीतही नाही मिळाले मनासारखे लाइफ पार्टनर

पडद्यावर रोमँटिक आणि ग्लॅमरस नायिका म्हणून नाव कमावणाऱ्या या अभिनेत्री चाळिशी पार केली तरी अविवाहित आहेत.

तब्बू : अनेक क्लासिक आणि लोकप्रिय सिनेमांमध्ये काम करणाऱ्या तब्बूने वयाची पन्नाशी पार केली आहे. पण अद्याप तिला मनासारखा जोडीदार मिळाला नसल्याने ती अविवाहित आहे.

अमिषा पटेल: कहो ना प्यार है या पहिल्या सिनेमातच लोकप्रियतेच्या शिखरावर पोहोचलेल्या अभिनेत्रीला 45 व्या वर्षापर्यंत कुणीही साजेसा जोडीदार मिळालेला नाही. आपण सिंगल राहणंच पसंत करणार, असं ती सांगते.

सुश्मिता सेन: भारताची पहिली मिस युनिव्हर्स, बोल्ड, बिनधास्त अभिनेत्री म्हणून नाव कमावणारी सौंदर्यवती दोन दत्तक मुलींची आई आहे. पण 46 व्या वर्षीही Unmarried आहे. रोहमन शॉलबरोबर काही वर्षं रिलेशनशिपमध्ये होती, पण त्यांचं लग्न होण्यापूर्वीच ब्रेकअप झालं.

साक्षी तन्वर : टीव्ही आणि आता चित्रपटांमधूनही दिसणारा हा लोकप्रिय चेहरा. पन्नाशी उलटूनही अजून साक्षी अविवाहित आहे. आयुष्यभर साथ करायला आवडेल, असं कुणी मिळालंच नाही, असं ती सांगते.

नगमा: 47 वर्षांच्या या अभिनेत्रीने दाक्षिणात्य चित्रपटसृष्टीही गाजवली. अनेकांबरोबर नाव जोडलं गेलं, पण नगमा अद्याप सिंगल आहे.

दिव्या दत्ता: चित्रपटांमधला हा लोकप्रिय चेहरा. वयाची 45 वर्षं उलटली तरी दिव्या अजून अविवाहित आहे. लग्नाचा अजून विचार केलेला नाही, असंच ती सांगते.

आशा पारेख: शम्मी कपूर, शशी कपूर यांसारख्या अभिनेत्यांबरोबर रोमँटिक चित्रपट गाजवणाऱ्या या अभिनेत्रीने अविवाहितच राहायचा निर्णय घेतला. नासिर हुसेन यांच्याबरोबर रिलेशनशिपमध्ये असल्याचं त्यांच्याबद्दल बोललं जायचं, पण हे नातं विवाहापर्यंत पोहोचलंच नाही. वयाच्या 80 च्या जवळ पोहोचलेल्या आशा पारेख यांची आई बोहरा मुस्लीम होती, तर वडील हिंदू.