PHOTO: दिग्दर्शक कबीर खानला आठवले अफगाणिस्तानमधील ते चित्त थरारक दिवस

अफगाणिस्तानच्या सद्यपरिस्थितीने सर्वांनाचं हादरवून सोडलं आहे. यादरम्यान 'काबुल एक्सप्रेस' चा दिग्दर्शक कबीर खानने अफगाणिस्तानचे काही फोटो सोशल मीडियावर शेयर केले आहेत. 2006 मध्ये तालिबानी शासन संपुष्टात आल्यानंतरची काबुल एक्सप्रेस हा पहिला अंतरराष्ट्रीय चित्रपट होता.

'काबुल एक्स्प्रेस' हा चित्रपट अफगाणिस्तानमधील तालिबानी शासन संपुष्टात आल्यानंतर पत्रकार त्याठिकाणी तो किस्सा कव्हर करायला गेले होते. त्या घटनेवर आधरित आहे. यामध्ये जॉन अब्राहीम आणि अर्शद वारसीने पत्रकारांची भूमिका साकारली आहे.

कबीर खानने अफगाणिस्तानवर अनेक डॉक्युमेंट्री बनवली आहेत. त्यामुळे त्याला चित्रपट बनवण्यासाठी मोठा फायदा झाला होता.

कबीर खानने एका मुलाखतीदरम्यान म्हटलं होतं, की 'हा चित्रपट बनवण्याचा विचार त्यांच्या मनात यासाठी आलेला की ते अनेकवेळा अफगाणिस्ताला जाऊन आले आहेत. त्यांचे पूर्वज अफगाणिस्तानशी सबंधित आहेत. तसेच त्यांनी बालपणी 'रुट्स'नावाच एक पुस्तक वाचलं होतं. त्यामध्ये एक व्यक्ती आपल्या इतिहासाच्या मुळाचा शोध घेत होता. मलासुद्धा जाणून घ्यायची इच्छा होती की मी कुठून आहे. म्हणून मी अनेकवेळा अफगाणिस्तानमध्ये जाऊन अनेक डॉक्युमेट्री बनवल्या आहेत'.

तसेच त्यांनी म्हटलं होतं, काबुल एक्सप्रेसची निर्मिती करताना आम्हाला धमकी मिळण हे साहजिक होतं. त्यामुळे शुटींगच्यावेळी खूपच तणाव असायचा. त्यावेळी सेटवर कलाकारांपेक्षा जास्त सुरक्षारक्षक होते. तालिबान तेथील सर्वसामान्य लोकांचा दिनक्रम दाखविण्याच्या विरुद्ध होते.

अनेकवेळा तालिबानींनी शुटींग थांबवण्याचीदेखील धमकी दिली होती. तसेच एकवेळ तर अशी होती की कॅमेरा, रोल एक्शन म्हणताच दुसरीकडून गोळीबार झाला.

यावेळी अफगाणिस्तानच्या सरकारने शुटींगसाठी सुरक्षारक्षक दिले होते. 60 हत्यारधारक कमांडो आणि 35 एसयूव्ही नेमून दिले होते.

तसेच जॉनने म्हटलं होतं की शुटींगदरम्यान प्रत्येक दिवशी सर्वलोक गोळीबार आणि बॉम्बस्फोटच्या दहशतीखाली वावरत होते. तर अर्शद वारसीने म्हटलं होतं, की त्याठिकाणी मोबाईलपेक्षा जास्त बंदुका आहेत. आपल्याला सांगू इच्छितो की त्याठिकाणी महिलांना हिजाब घालणं बंधनकारक आहे.