आहेत कोट्यधीश पण राहायला स्वतःचं घर नाही; हे सेलिब्रिटी राहतात भाड्याच्या घरात

मुंबईला स्वप्नांचं शहर असं म्हटलं जातं. त्यामुळं देशभरातील लोक आपली स्वप्न साकार करण्यासाठी या ठिकाणी येतात. इथे काम करत असताना स्वत:चं एक घर असावं अशी इच्छा त्यांच्या मनात निर्माण होते परंतु आर्थिक समस्यांमुळं अनेकदा ते शक्य होत नाही. परंतु या फोटो गॅलरीत आपण कोट्यवधींची संपत्ती असताना देखील मुंबईत भाड्याच्या घरात राहणारे काही बॉलिवूड सेलिब्रिटी पाहणार आहोत.

नवाजुद्दीन सिद्धिकी जुहू येथे राहतो. तो मुळचा उत्तर प्रदेशमधील आहे. केवळ काम करण्याच्या निमित्तानं मुंबईत राहतो त्यामुळं त्यानं घर खरेदी केलेलं नाही.

राकुमार राव अंधेरीमधील लोखंडवाला कॉम्प्लेक्समध्ये राहतो. एका चित्रपटासाठी कोट्यवधींचं मानधन घेणारा राजकुमार आजही भाड्याच्याच घरामध्ये राहतोय.

विद्युत जामवालचे कुटुंबीय केरळ येथे राहतात. तो केवळ कामानिमित्त मुंबईत राहतो त्यामुळं त्यानं इथे घर खरेदी केलेलं नाही.

कतरिना कैफ गेली 17 वर्ष मुंबईत राहतेय. ती काही काळ सलमान खानच्या फ्लॅटमध्ये राहात होती. त्यानंतर रणबीर कपूरसोबत देखील राहात होती. पण तिनं अद्याप स्वत:चं घर खरेदी केलेलं नाही. आजही भाड्याच्याच घरामध्ये राहतेय.

जॅकलिन फर्नांडिस गेली 10 वर्ष मुंबईत राहतेय. तिनं आत्ताच जुहू येते एक बंगला खरेदी केलेला आहे. मात्र या बंगल्यात फर्निचरचं काम सुरु असल्यामुळं सध्या ती भाड्याच्याच घरामध्ये राहतेय.

रिचा चड्ढा केवळ कामानिमित्त मुंबईत राहते. बाकीच्या वेळेस ती दिल्लीतच राहाते. त्यामुळं तिने मुंबईत अद्याप नवं घर खरेदी केलेलं नाही.

हुमा खुरेशी मुळची काश्मिरची रहिवासी आहे. बॉलिवूडमध्ये काम करण्याच्या निमित्तानं ती मुंबईत आली. ती बहुतांशी काळ लंडनमध्ये राहते. केवळ कामानिमित्त मुंबईत येते त्यामुळं तिनं अद्याप स्वत:चं घर खरेदी केलेलं नाही.