वाघ पाहायला सेलेब्रिटींची गर्दी! रणबीर-आलिया पाठोपाठ ही जोडी सुद्धा जंगलात, पाहा PHOTOS

जयपूर, 02 जानेवारी: शुक्रवारी संध्याकाळी बॉलीवूड सेलिब्रिटींनी पुन्हा एकदा रणथंभोर नॅशनल पार्कला भेट दिली. त्यांना वाघांचं दर्शन घ्यायचं होतं, परंतु वाघ न दिसल्यामुळे त्यांच्या निराशा झाली. त्यांनी वाघाला पाहण्यासाठी संपूर्ण पार्क पालथं घातलं पण त्यांना वाघ काही दिसला नाही. दरम्यान या कलाकारांना पाहाण्यासाठी चाहत्यांनी पार्कबाहेर गर्दी केली होती.

बॉलीवूड अभिनेत्री दीपिका पादुकोण आणि तिचा नवरा बॉलीवूड अभिनेता रणवीर सिंग दोघंही यावेळी सोबत होते. दोघांनीही एकाच गाडीत बसून जंगल सफारी केली. यावेळी रणवीर सिंग खूप स्टायलिश दिसत होता. त्यानं गडद काळा चष्मा घातला होता. (फोटो: व्हिडिओ ग्रॅब)

शुक्रवारी दीपिका, रणवीर सिंग, रणबीर कपूर आणि आलिया भट्ट यांच्यासह बॉलिवूडचे डझनभर कलाकारांनी रणथंभोर राष्ट्रीय उद्यानाला भेट दिली. इतर कलाकारांनी सकाळच्या वेळी भेट दिली. तर रणवीर आणि दीपिकाने सायंकाळी भेट दिली. (फोटो: व्हिडिओ ग्रॅब)

सायंकाळच्या वेळी वाघ आणि वाघीनीच्या हालचाली जॉन 5 च्या नाल्यात होती. अशा परिस्थितीत वाघ आणि वाघिणी एका नाल्यात असल्यामुळं या या कलाकारांना वाघांचे दर्शन झालं नाही. तसेच वाघ पाहण्यासाठी पुढं जाणं त्यांना शक्य झालं नाही. (फोटो: व्हिडिओ ग्रॅब)

बॉलीवूड सेलिब्रिटींनी त्यांची जिप्सी जवळपास 1 तास त्या नाल्याजवळ उभी केली होती. त्यानंतर वाघ वाघीनीची हलकीशी झलक पाहिल्यानंतर बॉलीवूड स्टार मंडळी उद्यानातून बाहेर आली. त्याचबरोबर सर्व कलाकार आज परत मुंबईला जाणार आहेत.