कपूर घराण्याची 'होणारी सून' तारा सुतारियाचा ट्रेडिशनल पण हॉट अंदाज; PHOTO पाहून चाहते फिदा!

बॉलिवूड अभिनेत्री तारा सुतारिया सध्या सोशल मीडियावर खूपच अॅक्टिव्ह दिसून येते. ती आपल्या चित्रपटांसोबतच आपल्या प्रेमप्रकरणामुळेसुद्धा चर्चेत आली आहे. तारा सध्या कपूर कुटुंबातील मुलासोबत नात्यात असल्याचं म्हटलं जातं. त्यामुळेच ती सतत कपूर कुटुंबाच्या सर्वच खाजगी कार्यक्रमांमध्ये दिसून येते.

तारा सध्या रणबीरचा आत्येभाऊ आदर जैन याच्यासोबत सेलिब्रेशनमध्ये आहे. या दोघांनी नेहमीच आपलं नातं सर्वापासून लपवून ठेवलं होतं. मात्र आदरच्या भावाच्या लग्नात ह्या दोघांनी पहिल्यांदा आपलं नातं कबूल केलं होतं.

आदर जैनसुद्धा बॉलिवूडमध्ये आहे. नुकताच त्याच्या 'हेलो चार्ली' या चित्रपटाचा ट्रेलर प्रदर्शित झाला आहे. तारा आणि आदर बऱ्याच ठिकाणी एकत्र दिसून येतात.

तारानं अल्पावधीतच आपला मोठा चाहता वर्ग निर्माण केला आहे. येत्या काही दिवसांत ती 'तडप' या चित्रपटात दिसून येणार आहे. या चित्रपटात तिच्यासोबत सुनील शेट्टीचा मुलगा अहान शेट्टी पदार्पण करत आहे.

तारानं करण जोहरच्या 'स्टुडट ऑफ द इअर 2' मधून बॉलिवूडमध्ये पदार्पण केलं होतं. यात तिच्यासोबत टायगर श्रॉफ आणि अनन्या पांडेसुद्धा झळकली होती.

एका मुलाखतीदरम्यान तारानं म्हटलं होतं, की ती आदरला पहिल्यांदा 2018 च्या दिवाळीच्या पार्टीमध्ये भेटली होती.

तारानं चित्रपटात पदार्पण करण्यापूर्वी डिस्नेवरील काही कार्यक्रमांमध्ये बालकलाकार म्हणून सुद्धा काम केलं आहे.

त्याचबरोबर तारा 'मरजांवा' या चित्रपटात सिद्धार्थ मल्होत्रासोबत दिसून आली होती. तसंच आगामी काळात ती 'हिरोपंती 2' या चित्रपटात टायगर श्रॉफसोबत झळकणार आहे.