शिल्पा शेट्टी आपल्या सुनेला देणार 20 कॅरेटची हिऱ्याची अंगठी; अट फक्त एकच...

अभिनेत्री शिल्पा शेट्टी (Shilpa Shetty) बॉलिवूडची फिट अभिनेत्री म्हणून ओळखली जाते. शिल्पाच्या फिट असण्यासोबत तिच्याकडे असणारे सुंदर दागिनेही बऱ्याच जणींना हवे-हवेसे वाटतात. एका मीडियाने दिलेल्या माहितीनुसार, शिल्पाकडे 20 कॅरेटची डायमंड रिंग आहे. सध्या ही अंगठी शिल्पा वापरते. पण भविष्यात शिल्पा तिची हिऱ्याची अंगठी तिच्या सुनेला देणार आहे. पण त्यासाठी तिची एक अट आहे.

वियानची पत्नी अर्थातच शिल्पाची सून तिच्याशी चांगलं वागत असेल तर आणि तरच ती हिऱ्याची अंगठी शिल्पा तिच्या सुनेला देणार आहे. (Photo Credit- @theshilpashetty/Instagram)

शिल्पा म्हणते, मी माझ्या सुनेला माझी 20 कॅरेटची हिऱ्याची अंगठी नक्की देईन. पण तिला माझ्याशी नेहमी चांगलं वागावं लागेल. तिने असं केलं नाही तर तिला साधी अंगठी देईन.

हिऱ्याच्या अंगठीची ओळख त्यांच्या घराण्याचा वारसा म्हणून व्हावी, असा विचार शिल्पाने ही अंगठी घेताना केला होता. शिल्पा म्हणते, माझ्या सगळ्या भूमिकांपेक्षा मला खऱ्या आयुष्यातली आईची भूमिका महत्वाची वाटते.

शिल्पा मस्करीत म्हणते, राज कुंद्राने जेव्हा मला प्रपोज केलं होतं तेव्हा, ‘त्याने मला 5 कॅरेटची हिऱ्याची अंगठी दिली होती. तेव्हा त्याने मला वचन दिलं होतं की, तुला जी अंगठी मी लग्नात देईन ती यापेक्षा मोठी असेल.’