शिल्पा शेट्टीची मुलगी दिसते तरी कशी? पहिल्यांदाच PHOTO मध्ये दिसला समीशाचा चेहरा

अभिनेत्री शिल्पा शेट्टी कुंद्रा गुरुवारी एका ठिकाणी आपल्या गोंडस मुलीला समीशाला घेऊन आली होती. त्या वेळी तिथे उपस्थित फोटोग्राफर्सनी या सुंदर मायलेकींचे खूप फोटो काढले. निळ्या ड्रेसमध्ये शिल्पा शेट्टी खूपच छान दिसत होती पण तिच्यापेक्षा तिच्या गोंडस मुलीने सर्वांचंच लक्ष वेधून घेतलं. या दोघींचे हे फोटो सध्या इंटरनेटवर मोठ्या प्रमाणात व्हायरल झाले आहेत.

हे फोटो इंटरनेटवर झळकता क्षणीच समीशावर नेटीझन्सच्या कौतुकाचा वर्षाव होत आहे. एकाने ‘ती तिच्या वडीलांसारखी दिसते’ अशी कमेंट केली आहे, तर एकाने तिला ‘क्युटी’ संबोधले आहे. अनेकांनी हार्ट शेपच्या इमोजी टाकल्या आहेत. शिल्पा शेट्टी आणि राज कुंद्रा यांच्या या प्रिन्सेसचा जन्म सरोगसीच्या माध्यमातून या वर्षी १५ फेब्रुवारी रोजी झाला.

अलीकडेच भाऊबीजेला तिनी विवानसोबत छोटी समीशा पहिली भाऊबीज साजरी करत असल्याचा व्हिडिओ शेअर केला होता. माझ्या मुलाचे आपल्याला लहान बहीण असावी हे स्वप्न पूर्ण झाल्याचा खूप आनंद होत आहे. त्याच्या हसण्यातून त्याचा आनंद झळकतोय, असं शिल्पाने लिहिले होते.

शिल्पा आणि राज कुंद्रा यांनी २२ नोव्हेंबरला लग्नाचा ११ वा वाढदिवस साजरा केला. या निमित्त आपला आणि राजचा एक फोटो तिने शेअर केला होता. त्यावेळी आपल्या भावना व्यक्त करताना तिने ‘नो फिल्टर लव्ह, द रिअल डील’ अशी कॅप्शन दिली आहे.

शिल्पा शेट्टी साबीर खान दिग्दर्शित निकम्मा चित्रपटातून मोठ्या पडद्यावर कमबॅक करण्याच्या तयारीत आहे.