HBD: अभिनेत्री चित्रांगदा सिंगने 'या' दिग्दर्शकावर केले होते अश्लील वर्तवणूकीचे गंभीर आरोप

'देसी बॉईज, ये साली जिंदगी या चित्रपटांमधून प्रसिद्धीस आलेली अभिनेत्री म्हणजे चित्रांगदा सिंग ही होय. या अभिनेत्रीने आपल्या चोख अभिनयाने सर्वांचं लक्ष वेधून घेतलं होतं. आज चित्रांगदा आपला वाढदिवस साजरा करत आहे. यानिमित्ताने तिच्याबद्दल काही महत्वाच्या गोष्टी जाणून घेऊया.

अभिनेत्री चित्रांगदा सिंगचा जन्म 30 ऑगस्ट 1976 मध्ये राजस्थानमधील जोधपुर येथे झाला आहे. तिचं सुरुवातीचं शिक्षण मेरठ आणि नंतर दिल्लीमध्ये पूर्ण झालं आहे.

या अभिनेत्रीने बॉलिवूडमध्ये येण्यापूर्वीचं लग्न केलं होतं. ज्योती रंधावा असं तिच्या पतीचं नाव होतं. तो एक गोल्फ प्लेयर आहे.

या दोघांचं लग्न फारकाळ नाही टिकू शकलं. त्यांनी 2014 मध्ये घटस्फोट घेतला आहे. या दोघांना जोरावर नावाचा एक मुलगादेखील आहे.

या अभिनेत्रीला बॉलिवूडमध्ये पहिला ब्रेक दिग्दर्शक सुधीर कुमार यांच्या 'हजारो ख्वाहीशे ऐसी' या चित्रपटातून 2003 मध्ये मिळाला होता.

तसेच चित्रांगदा 2005 मध्ये 'काल' चित्रपटात झळकली होती. मात्र हा चित्रपट हवा तितका चालला नाही.

2015 मध्ये 'गब्बर इज बेक'मध्ये ती एका आयटम सॉंगमध्ये झळकली होती.

चित्रांगदाने 'बाबूमोशाय बंदुकबाज' चित्रपटाच्या दिग्दर्शकावर आरोप करत म्हटलं होतं त्यांनी आपल्यासोबत सेटवर चुकीची वर्तवणूक केली आहे. तसेच त्यांनी आपल्याला अश्लील सीन देण्यासही जबरदस्ती केल्याचं म्हटलं होतं. त्यानंतर तिने हा चित्रपट सोडून दिला होता.