अनुष्का शर्मानं ही मिरर सेल्फी शेअर केल्यावर हार्दिक पंड्यानं दिला मोलाचा सल्ला

भारतीय क्रिकेट संघाचा कप्तान विराट कोहली आणि बॉलिवुड अभिनेत्री अनुष्का शर्मा नुकतेच आई-वडिल बनलेत. विराटनं ११ जानेवारीला आपल्या सोशल मीडियावरून या गोष्टीची माहिती दिली, की त्यांच्या घरी मुलगी जन्मली आहे. नुकतीच अनुष्कानं आपली एक मिरर सेल्फी शेअर केली आहे. हार्दिक पंड्यानं बेबी सिटिंगबाबत अनुष्काला या फोटोवर कमेंट करताना एक सल्ला दिला आहे.

मुलीच्या जन्मानंतर साधारण महिनाभरानं अनुष्कानं सेल्फी शेअर केला. यात तिच्या खांद्यावर बर्प क्लॉथ अर्थात बाळाला ढेकर देता यावा यासाठीचा कपडा किंवा लाळेरं दिसत आहे. सेल्फीसोबत अनुष्कानं लिहिलं आहे, ही माझ्यासाठी सर्वात महत्त्वाची अ‍ॅक्सेसरी आहे. यावर हार्दिकनं लिहिलं, 'सर्वात महत्त्वाची गोष्ट' हार्दिकही मागच्या वर्षीच पालक बनला आहे.

विराट आणि अनुष्कानं आपल्या मुलीचं नाव वामिका ठेवलं आहे. विराट म्हणतो, 'मला नेहमीच डायपर बदलणं शिकायचं होतं. हे काम मला अजिबात अवघड वाटत नाही.'

एका मुलाखतीत विराट म्हणाला होता, ऑस्ट्रेलियातला विजय भारतासाठी सगळ्यात मोठा क्षण आणि महत्त्वाची सीरिज होती. पण यात खेळू शकलो नाही याचं जास्त वाईट नाही वाटलं. कारण मुलीच्या जन्म हा आयुष्यातला सगळ्यात महत्त्वाचा क्षण होता. (Virat Kohli/Twitter)

कोविड लॉकडाऊनच्या काळात अनुष्कानं प्रेग्नन्सीची बातमी दिली. 32 वर्षीय विराट म्हणाला, की वडील झाल्यावर बऱ्याच गोष्टी बदलल्या आहेत.