इंटिमेट सीन्स... समलैंगिक भूमिका... बोल्डनेसमुळे नेहमीच वादात राहिली अभिनेत्री

कधी सिनेमातील इंटिमेट सीन तर कधी बोल्ड विधानं काही ना काही कारणानं ही अभिनेत्री नेहमीच चर्चेत असते.

स्वरा भास्करनं आपल्या बिनधास्त आणि बोल्डनेसमुळे बॉलिवूडमध्ये स्वतःचं वेगळं स्थान निर्माण केलं आहे.

स्वरा आज 32 वा वाढदिवस साजरा करत आहे. अभिनयाची कोणतीही कौटुंबिक पार्श्वभूमी नसतानाही स्वरा आज बॉलिवूडच्या आघाडीच्या अभिनेत्रींमध्ये गणली जाते.

बॉलिवूडचा प्रवास स्वरासाठी म्हणावा तेवढा सोपा नव्हता त्यासाठी तिला खूप मेहनतही घ्यावी लागली.

पण एक वेळ अशी आली होती की नेहमीच साध्या सरळ भूमिका साकारणाऱ्या स्वरानं इंटिमेट सीन देत खळबळ उडवून दिली होती.

स्वरानं आतापर्यंत 'अनारकली ऑफ आरा', 'मछली जल की रानी है', 'गुजारिश', 'चिल्लर पार्टी', 'तनु वेड्स मनु', 'तनु वेड्स मनु रिटर्न्स' या सारख्या सिनेमात काम केलं आहे.

मात्र 2018 मध्ये रिलीज झालेल्या 'विरे द वेडिंग्स'मध्ये स्वरानं दिलेला मास्टरबेशन सीन प्रचंड गाजला. तिच्या या सीननं सगळीकडे खळबळ माजली होती.

स्वरा एवढ्यावरच थांबली नाही तर तिनं त्यानंतर शीर कोरमा या सिनेमात एका लेस्बियन मुलीची भूमिका साकारली.

या सिनेमाचा ट्रेलर लॉन्च झाल्यावर सर्वांनीच स्वराच्या अभिनयाचं कौतुक केलं. कारण अशाप्रकारची भूमिका साकारणं अजिबात सोपं नाही. मात्र स्वरानं हे सुद्धा करुन दाखवलं आहे.(संकलन : मेघा जेठे.)