बॉलिवूड अभिनेत्री बिपाशा बसू आई बनणार असल्याची बातमी सध्या सोशल मीडियावर प्रचंड व्हायरल होत आहे. बिपाशा बसूने 2016 मध्ये टीव्ही अभिनेता करण सिंह ग्रोव्हरसोबत लग्न केलं होतं. 2015 मध्ये 'अलोन' या चित्रपटाच्या सेटवर करण आणि बिपाशाची पाहिली भेट झाली होती. पिंकव्हीलाने याबाबतचा रिपोर्ट दिला आहे. या रिपोर्टनुसार बिपाशा आणि करण लवकरच आपण पालक बनणार असल्याची अधिकृत घोषणा करणार आहेत. या रिपोर्टनुसार सांगायचं झालं तर बिपाशा लग्नाच्या तब्बल सात वर्षानंतर आई बनणार आहे. विशेष म्हणजे बिपाशा बसू वयाच्या चाळीशीनंतर आई बनणार आहे. आज चाळिशीतही बिपाशा तितकीच फिट आणि सुंदर दिसतेय. करणबाबत सांगायचं झालं तर, करणने बिपाशासोबत तिसरं लग्न केलं आहे. याआधीही त्याची दोन लग्न झाली होती.