Bigg Boss Marathi: पुन्हा दोस्तीत कुस्ती; कॅप्टन्सी टास्कदरम्यान विशाल-विकासमध्ये हाणामारी

बिग बॉस मराठीच्या घरामध्ये सुरू असलेल्या कार्यात उत्कर्ष आणि जय विजयी ठरले आहेत. उत्कर्ष या आठवड्यात कॅप्टन्सीच्या उमेदवारीसाठी पात्र नसल्याने त्याने मीराला उमेदवारी दिली. आता कॅप्टन्सी टास्क मीरा आणि जयमध्ये पार पडणार असून लवकरच घराचा नवा कॅप्टन कोण होणार कळेल.

तर विशाल आणि उत्कर्ष प्रेक्षकांचे मनोरंजन करण्यास असमर्थ ठरल्याने ते दोघे शिक्षेस पात्र ठरले. आज पार पडणार्‍या कॅप्टन्सी कार्यात मोठा राडा होणार असे दिसून येते आहे. हा राडा घरातील जय विरू म्हणजेच विशाल आणि विकास मध्ये होणार आहे.

दोघांमध्ये मारामारी आणि धक्काबुक्की झाल्याचे नुकताच समोर आलेल्या प्रोमोमध्ये दिसून आले. टास्कमध्ये विकास विशालला बोलताना दिसणार आहे, स्वत:ची वेळ आली तेव्हा हे करतो आहेस काल का नाही केलं मग ? जय आणि उत्कर्ष होता म्हणून घाबरलास ?

विशालने विकासला प्रश्न केला तुझ्यात हिंमत आहे का ? तू एक नंबरचा फट्टू आहेस...विकास विशालला म्हणाला मी डोक्याने खेळतो... तू नावं घेतोस ना माउलींच सोडून दे आजपासून... कारण खोटारडा आहेस तू.

तसेच घरामध्ये आज विकास आणि सोनालीमध्येसुद्धा चांगलाच वाद होणार आहे. आता ही वादाची ठिणगी कोणामुळे पडली ? नक्की काय घडलं ? हे आपल्याला आजच्या भागामध्ये कळेलच... पण मीनल सोनालीला समजवण्याच्या प्रयत्नात दिसणार आहे की, जे काही ते विकासशी बोलून सोडवून टाक.

पण सोनाली विकास आणि मीनलचं ऐकण्याच्या मनस्थितीत नाहीये असे दिसून येत आहे. मीनलचे सोनालीला सांगणे आहे स्वत:ला त्रास करून नको घेऊस... तुझे मुद्दे त्याला बोल. पण आरामात बोल, तो पण आरामात ऐकतो आहे. सोनाली मीनलला विकासबद्दल उद्देशून सांगताना दिसणार आहे, नाही गं हे बोलायला लागले की माझ्या डोक्याचा टेंपरचं गरम होतो.

त्याला तसली सवय आहे... त्याला ना हजार लोकांना tackle करायची सवय आहे, हजार लोकांना गोल गोल फिरवायची सवय आहे. हे बघ आपल्याला तसंल काही येत नाही. साधी गोष्ट आहे, हे खटकलं.

विकासचे म्हणणे आहे, शिकून घे माझ्याकडून हे, चांगली गोष्ट आहे ना मला tackle करता येते ते... की भांडण, वचावचा करणे चांगले आहे? सोनालीचे म्हणणे आहे मला असल्या घाणेरड्या गोष्टी शिकायच्याचं नाहीयेत. मी शांतपणे इथे बसले होते.विकास म्हणाला, मी स्वत:हून आलो सॉरी बोलायला... म्हणजे तसं सॉरी नाही... आता नक्की कोण रागावलं आहे का? खरंचं काही झाले आहे का ? नक्की काय झाले आहे ? हे आजच्या भागामध्ये कळेल.