Bigg Boss Marathi: तिसऱ्या पर्वाचं सर्वात मोठं सरप्राईज; पाहा काय आहे'Temptation Room'चं वैशिष्ट्य

बिग बॉस मराठीचं तिसरं पर्व नुकताच आपल्या भेटीला आलं आहे. सर्वांनाच हा शो पाहायची मोठी इच्छा होती. मात्र कोरोना काळामध्ये शो लांबणीवर पडला होता. मात्र अखेर १९ ऑक्टोबरला हा शो सुरु झाला आहे. शोमध्ये पहिल्याच आठवड्यात मोठं-मोठे ट्विस्ट पाहायला मिळत आहेत. त्यामुळे प्रेक्षकांचं चांगलंच मनोरंजन होत आहे.

बिग बॉसचा पाचवा दिवस असाच धमाकेदार आणि बिग ट्विस्टनी भरलेला होता. बिग बॉस एका पाठोपाठ एक गोष्टींचा खुलासा करत आहेत. बिग बॉसच्या घरात पाचव्या दिवशी स्पर्धकांना एक मोठं सरप्राईज मिळालं आहे.

असं म्हटलं जात आहे, कि बिग बॉस मराठीच्या इतिहासातील हे एक सर्वात मोठं सरप्राईज आहे. तसेच या सीजनचंसुद्धा सर्वात मोठं सरप्राईज आहे.

बिग बॉसने घरातील स्पर्धकांना 'Temptetion Room' ची पहिली झलक दाखवत सुखद धक्का दिला आहे. या रुमध्ये स्पर्धकांना एक नव्हे तर अनेक सरप्राईज मिळणार आहेत. त्यामुळे स्पर्धक उत्सुक झालेले पाहायला मिळाले.

या रूमधील सर्वात मोठं सरप्राईज म्हणजे टेलिफोन बूथ होय. याद्वारे स्पर्धक आपल्या घराबाहेरील मित्रांशी गप्पा मारू शकतात. तसेच या रूममध्ये खाण्यासाठी विविध पदार्थ ठेवलेले आहेत.

तसेच या रूममध्ये अशा अनेक सुखसुविधा उपलब्ध आहेत, ज्या बिग बॉसच्या घरात आत उपलब्ध नाहीत. तसेच त्या रूममध्ये बायोस्कोपसुद्धा असणार आहे.ज्याद्वारे स्पर्धक घरच्या आत डोकावू शकतील. मात्र या सर्व गोष्टींमध्ये अजून कोणतं गुपित किंवा ट्विस्ट आहे हे पाहणं महत्वाचं ठरणार आहे.