Tejaswini Lonari:...अन त्याने माझे केस कापले; तेजस्विनी लोणारीने सांगितला भावासोबतचा 'तो' किस्सा

'बिग बॉस मराठी'च्या माध्यमातून अभिनेत्री तेजस्विनी लोणारी घराघरात पोहोचली आहे.

तेजस्विनीला या शोमुळे प्रचंड लोकप्रियता आणि प्रेक्षकांचं भरभरुन प्रेम मिळालं आहे. हाताला दुखापत झाल्यामुळे तेजस्विनीला मधूनच शो सोडावा लागला होता.

परंतु प्रेक्षक तिला विजेतीच्या रुपात पाहात होते. बाहेर पडल्यानंतर सुद्धा लोकांनी तिला पब्लिक विनर संबोधलं होतं.

तेजस्विनी या शोनंतरसुद्धा प्रचंड चर्चेत आहे. नुकतंच एका युट्युब चॅनेलला दिलेल्या मुलाखतीत तेजस्विनीने आपल्या बालपणीचा एक गमतीदार किस्सा सांगितला आहे.

राजश्री मराठीच्या एका मुलाखतीत तेजस्विनीने सांगितलं की, लहानपणी ती आणि तिचा भाऊ प्रचंड भांडत असत. आणि त्यामुळे त्यांना आईचा प्रचंड मारसुद्धा खावा लागला होता.

अभिनेत्रीने पुढे सांगितलं की,एकदा भावासोबत भांडण झालं असताना त्याने झोपेत माझे केसच कातरले. त्यांनतर आम्ही प्रचंड भांडलो.

नंतर मी त्याला मारही दिला. परंतु त्याने पुन्हा मी समजून पांघरुण घेऊन झोपलेल्या आमच्या आईलाच लाटण्याने मारलं. त्यांनतर पुन्हा आईने त्याची शाळा घेतली होती.

तेजस्विनी सध्या सोशल मीडियाच्या माध्यमातून चाहत्यांच्या संपर्कात आहे.