Bigg Boss Marathi फेम किरण मानेंच्या हाती लागला मोठा सिनेमा; महेश मांजरेकरांसोबत करणार काम

मराठमोळे अभिनेते किरण माने यांना 'बिग बॉस मराठी'ने एक नवी ओळख मिळवून दिली आहे.

बिग बॉसच्या माध्यमातून किरण माने घराघरात पोहोचले आहेत. या शोमधून त्यांना अफाट लोकप्रियता मिळाली आहे.

यामध्ये ते टॉप ३ मध्ये पोहोचले होते. परंतु थोडक्यात त्यांना ट्रॉफीला हुकावं लागलं होतं.

शोमधून बाहेर आल्यानंतरसुद्धा किरण माने सतत चर्चेत आहेत. ते सतत सोशल मीडियाच्या माध्यमातून आपल्या चाहत्यांना विविध अपडेट्स देत आहेत.

किरण माने यांनी आपल्या चाहत्यांसाठी नुकतंच एक गुड न्यूज शेअर केली आहे.

किरण माने लवकरच एका मोठ्या सिनेमात झळकणार आहेत. विशेष म्हणजे ते महेश मांजरेकर यांच्यासोबत आगामी चित्रपटात काम करत आहेत.

इंस्टाग्रामवर त्यांनी पोस्ट शेअर करत लिहलंय, ''वास्तव' हे हाय की, आता 'कॅमेरा' माझी आन् मी कॅमेर्‍याची पाठ सोडत नसतोय. मी येतोय भावांनो... लवकरच... एका नादखुळा भुमिकेत... वुईथ 'द महेश मांजरेकर' ! अपनी कुर्सी की पेटी बांध लीजिए.. मौसम बिगड़ने वाला है...

किरण माने यांना सिनेमात पाहण्यासाठी चाहते प्रचंड उत्सुक आहेत. चाहते त्यांना आगामी सिनेमासाठी शुभेच्छा देत आहेत.