Akshay Kelkar: 'तुझे सगळे हट्ट पूर्ण नाही करता आले पण...' अक्षय केळकरची बहिणीसाठी भावुक पोस्ट

बिग बॉस मराठीच्या चौथ्या पर्वाचं विजेतेपद जिंकल्यानंतर अभिनेता अक्षय केळकर सोशल मीडियावर सातत्याने चर्चेत आहे.

बिग बॉसच्या घरातून बाहेर पडल्यानंतर अक्षय त्याच्या बहिणीच्या लग्नात बिझी होता.

नुकताच त्याच्या बहिणीचं लग्न पार पडलं. त्यानंतर अक्षयने बहिणीसाठी लिहिलेली पोस्ट चर्चेत आहे.

अक्षयने या पोस्ट मध्ये लिहिलंय की, 'माझ्याशी कचाकचा भांडायचीस, तशी भांडू नकोस! तुझा बालिशपणा पण इथेच सोडून जा! त्या सगळ्यांवर आमचाच हक्क आहे! तुझे सगळे हट्ट पूर्ण नाही करता आले पण, तुझ्या रुखवतातला Troffy चा हट्ट पूर्ण केला बरं!' असं त्याने म्हटलं आहे.

अक्षयची आई आणि बहीण फॅमिली वीकमध्ये जेव्हा बिग बॉसच्या घरात आल्या होत्या. तेव्हा तुझ्या लग्नात रुखवतात माझी बिग बॉसची ट्रॉफी असेल' असं तो बहिणीला म्हणाला होता.

अक्षयने बहिणीला दिलेला हा शब्द अखेर पूर्ण केला आहे.

अक्षयच्या या पोस्टवर अनेक सेलिब्रेटींनी कमेंट करत त्याच्या बहिणीला शुभेच्छा दिल्या आहेत.

अक्षय केळकरच्या बहिणीच्या लग्नाचे फोटो सध्या सोशल मीडियावर व्हायरल होत आहेत.