BBM 4 फेम विकास सावंत करतोय ऑलिम्पिकची तयारी; या खेळात आहे मास्टर

'बिग बॉस मराठी'चा चौथा सीजन नुकताच पार पडला. दरवर्षी प्रमाणे यंदाही स्पर्धकांमध्ये वादविवाद, राडे, प्रेम आणि मैत्री पाहायला मिळाली.

बिग बॉसच्या या सीजनमध्ये अभिनेता-डान्सर विकास सावंतसुद्धा सहभागी झाला होता.

विकास सावंतने आपल्या धमाकेदार खेळीने प्रेक्षकांचं मन जिंकून घेतलं होतं.शोमध्ये इतर स्पर्धकांप्रमाणे कधी विकासवर टीका झाली तर कधी त्याचं कौतुक झालं.

बिग बॉसच्या घरातून बाहेर आल्यानंतरसुद्धा विकास चर्चेत आहे. हा शो संपताच विकासने एक मोठं स्वप्न उराशी बाळगलं आहे.

विकास सध्या ऑलिम्पिकची तयारी करत असल्याचं समोर आलं आहे.

विकासला थाळी फेक स्पर्धेत सहभाग घेण्याची इच्छा आहे. त्याला या माध्यमातून देशाचं प्रतिनिधित्व करायचं आहे.

ईटाइम्स टीव्हीला दिलेल्या मुलाखतीत विकासने सांगितलं की, 'मी एक ठेंगणा व्यक्ती आहे. माझी उंची कमी आहे. मात्र मला आंतरराष्ट्रीय पातळीवर भारताच प्रतिनिधित्व करायचं आहे'.

बिग बॉसच्या घरात झालेल्या टास्कमध्ये मी माझी क्षमता दाखवली आहे. आता मला देशाचं प्रतिनिधित्व करुन जगाला माझी ताकत दाखवून द्यायची आहे'.