BBM4च्या घरात मोठ्ठ सरप्राईज! आता राखी सावंत घालणार राडा तर जुन्या खेळाडूंची नव्याने एंट्री

बिग बॉसच्या घरात वाईल्ड कार्ड एंट्री घेतलेल्या चार स्पर्धकांचे चेहरे समोर आले असून त्यातील तीन खेळाडूंनी आधीच बिग बॉसचं घर गाजवलेला आहे. तर आता लोकप्रिय चेहरा राखी सावंत घरात राडा घालायला सज्ज झाली आहे.

संपूर्ण महाराष्ट्राच्या तमाम जनतेला आज बिग बॉस यांनी एक मोठे सरप्राईझ दिलं आहे. अखेर घरात चारही वाईल्ड कार्ड सदस्यांची एंट्री झाली आहे. त्यातील पाहिलं नाव आहे बिग बॉसच्या तिसऱ्या पर्वाचा विनर विशाल निकम.

बिग बॉस मराठी सिझन पहिला यांची चाहूल लागताच एका नावाची आणि एका व्यक्तीची चर्चा खूप होती आणि ती म्हणजे ENTERTAINMENT QUEEN राखी सावंत बिग बॉस मराठी च्या घरात कधी जाणार ? आता तिने अखेर घरात एंट्री घेतली आहे.

नुकत्याच समोर आलेल्या प्रोमोनंतर घरातील सदस्यांना तसेच प्रेक्षकांना मोठं सरप्राईझ मिळाले. घरात एक नाही दोन नाही तर चार वाइल्ड कार्ड एंट्री होताना दिसले... आणि यात विशाल निकम, आरोह वेलणकर, मीरा जगन्नाथ आणि राखी सावंत यांची बिग बॉसच्या घरात दमदार एंट्री झाली.

आता राखी सोबतच विशाल, मीरा आणि आरोह घरात आल्यानंतर खेळ कसा बदलणार ? त्यांना काय स्पेशल पॉवर मिळणार ? घरातील नाती किती बदलणार ? हे बघणे उत्सुकतेचे असणार आहे.

राखी सावंतने या आधी हिंदी बिग बॉसचे सिझन गाजवले आहेत... आता तिच्या येण्याने खेळाला तडका लागणार हे नक्की.

नुकत्याच समोर आलेल्या प्रोमोमध्ये चारही चैलेंजर्सची एंट्री झाली. "बिग बॉस मराठीच्या इतिहासात प्रथमच येत आहेत ४ चैलेंजर्स. राखीची एन्ट्री होताच ती म्हणाली, शेवंते... आणि अपूर्वाला हसू फुटले. पुढे ती म्हणाली, या सर्वांची आई आहे मी बिग बॉसची पहिली बायको... अंड्याची भुर्जी आणि राखी सावंतची मर्जी इथे चालणार..." बघूया अजून किती सरप्राईझ राखून ठेवले आहेत.

बिग बॉस मराठीच्या घरातून समृद्धी जाधवला बाहेर पडावे लागले.

पुढच्या आठवड्यात कोण राहील ? कोण जाईल ? हे ठरवेल त्यांचा गेम. कोण होईल कॅप्टन ? कोण होईल नॉमिनेट ? कोण होईल सेफ ? जाणून घेण्यासाठी बघत राहा बिग बॉस मराठी