Amruta Deshmukh-Akshay Kelkar: 'लिहिताना त्रास होत आहे पण...' अमृता देशमुखने अक्षय केळकरसाठी लिहलं पत्र

'बिग बॉस मराठी'चा चौथा सीजन धमाकेदार ठरला. यंदा स्पर्धक-अभिनेता अक्षय केळकरने बिग बॉसची ट्रॉफी पटकावली आहे.

बिग बॉसच्या घरात यावेळीसुद्धा सुंदर मैत्री, प्रेम आणि राडे पाहायला मिळाले होते.

यंदाच्या सीजनमध्ये अभिनेत्री अमृता देशमुख आणि अक्षय केळकर यांच्यामध्ये छान मैत्री झालेली दिसून आली.

या दोघांनी एक बेडीचा टास्क केला होता. त्यामध्ये त्यांना एका बेडीमध्ये एकत्र बांधण्यात आलं होतं.

त्यामुळे त्या दोघांना बेडीतले बड्डी असं म्हटलं जातं. या दोघांचा मोठा चाहतावर्ग निर्माण झाला आहे.

परंतु शोच्या शेवटच्या काळात या दोघांमध्ये अनेक मतभेद दिसून आले. बाहेर आल्यांनतरसुद्धा हे दोघे बोलतात की नाही अशी अनेकांना शंका होती. परंतु या दोघांनी नुकतंच एकमेकांची भेट घेतली.

विशेष म्हणेज, अमृताने या भेटीनंतर अक्षयला एक पत्र लिहून पोस्ट केलं आहे. यामध्ये अमृताने लिहलंय, ''बिग बॉस मराठीच्या चौथ्या पर्वाची ट्रॉफी जिंकल्याबद्दल तुझं अभिनंदन. एक स्पर्धक म्हणून हे लिहिताना त्रास होतोय. परंतु एक मैत्रीण म्हणून अत्यंत आनंद होतोय'.

'बाकी आपण नेहमीच बेडीतले बड्डी राहणार आहोत' असंही म्हटलं आहे. सध्या अमृताच्या या पत्राची जोरदार चर्चा होत आहे.