Bigg Boss Marathi मध्ये पुन्हा दिसणार हे स्पर्धक, तृप्ती देसाईंमुळे विशाल झाला भावुक

Bigg Boss Marathi Season 3: बिग बॉस मराठी सीझन 3 चे जुने स्पर्धक आज पुन्हा चावडीवर दिसणार आहेत. यावेळी स्नेहाने जय दुधाणेला सुनावलं आहे तर तृप्ती देसाईंनी विशालचं कौतुक केलं आहे.

बिग बॉस मराठीच्या घरामध्ये आज तीन जुने सदस्य पुन्हा एकदा येणार आहेत. यावेळी तृप्ती देसाई, स्नेहा वाघ आणि आदिश वैद्य येणार आहेत.

घरामध्ये पोहोचताच या माजी स्पर्धकांनी सदस्यांना ते कुठे चुकत आहेत, कोण बरोबर खेळत आहेत, कोणाचा खेळ त्यांना आवडत आहे हे सांगितले.

हे तीन जुने प्रतिस्पर्धी पुन्हा BBM3 च्या घरात आल्यावर स्पर्धकांनाही मोठा आनंद झाला आहे.

यावेळी स्नेहाने जयला खडे बोल सुनावले आहेत तर तृप्ती देसाईंनी विशालचे भरभरून कौतुक केले आहे

तृप्ती ताईंकडून झालेल्या कौतुकामुळे विशाललाही अश्रु अनावर झाले.

यावेळी तृप्ती देसाई म्हणाल्या की, 'विशाल एकदम मस्त... मागच्या आठवड्यात जो ट्रॅक चेंज केला ना, वन मॅन आर्मी. जे मी पहिल्यापासून सांगत होते कुठेतरी चेंज झाला पाहिजे आणि तुम्हांला सांगितले की, सत्य परेशान हो सकता है पराजित नही! लंबी रेस का घोडा है! मस्त एकदम. मी सगळ्यांना सांगितलं की, सगळ्यात छान मनं आमच्या विशालचं आहे, की ज्याच्या मनामध्ये काहीच चुकीचं कधी नसतं...”

तृप्ती देसाई मीराला म्हणाल्या तू फटक्यांमध्ये लक्ष्मी बॉम्ब आहेस

तर मीनलला असं म्हणाल्या की तुम्ही या खेळात सुतळी बॉम्ब आहात.

मुलींमध्ये त्या स्ट्राँग प्लेअर असल्याचंही तृप्ती देसाई म्हणाल्या

एकीकडे तृप्ती देसाईंनी या प्लेअर्सचं कौतुक केलं तर स्नेहाने जय दुधाणेवर ताशेरे ओढले आहेत.

स्नेहाने जयला खडेबोल सुनावत अशी म्हणाली की, 'या घरात सुरुवातीपासूनच जो कोणी माझ्याशी गेम खेळत होता तो फक्त जय दुधाणे होता. आपलेच मित्र आपल्या मागून आपलीच एवढी इज्जत नाही काढतं.'

यामध्ये जय देखील एका सुटकेसवर जोरदार हात आपटताना दिसत आहे. त्यामुळे नेमकं काय घडलं याची उत्सुकता चाहत्यांना लागून राहिली आहे.