Bigg Boss फेम Karishma Tanna अडकली लग्नबेडीत, तुम्ही पाहिला का अभिनेत्रीचा वेडिंग LOOK

मनोरंजन सृष्टीतील लग्नसराई अजून सुरूच आहे. अंकिता लोखंडे, मौनी रॉय नंतर आता छोट्या पडद्यावरील प्रसिद्ध अभिनेत्री करिश्मा तन्ना नुकताच लग्नाच्या बेडीत अडकली आहे.

करिश्मा तन्नाने आपला बॉयफ्रेंड आणि बिझनेसमॅन वरुण बंगेरासोबत लग्न केलं आहे. अभिनेत्रीने आपल्या इन्स्टाग्राम अकाऊंटवर आपल्या लग्नाचे फोटो शेअर करत सर्वांना ही आनंदाची माहिती दिली आहे.

करिश्मा तन्नाने आपल्या लग्न समारंभानंतर आपले काही खास फोटो शेअर केले आहेत. यामध्ये ती लग्नाच्या ड्रेसमध्ये फारच सुंदर दिसत आहे.

करिश्मा तन्नाने आपल्या लग्नामध्ये पारंपरिक लाल रंगाचा लेहेंगा निवडण्याऐवजी बेबी पिंक कलरचा लेहेंगा परिधान केला होता.

या लेहेंग्यावर सुंदर असं नक्षीकाम करण्यात आलं होतं. शिवाय अभिनेत्रीने मॅचिंग ज्वेलरीसुद्धा घातली होती.

तर दुसरीकडे वरुणने पारंपरिक गोल्डन कलरच्या शेरवानीला फाटा देत, पांढऱ्या रंगाची रॉयल शेरवानी निवडली होती.

करिश्मा आणि वरुण आपल्या या वेडिंग लुकमध्ये फारच सुंदर दिसत होते.

करिश्मा आणि वरुण यांनी आपल्या लग्नासाठी एका समुद्र किनाऱ्याजवळील ठिकाणाची निवड केली होती.

या दोघांच्या लग्ना आधीचे सर्व कार्यक्रमसुद्धा अशाच धुमधडाक्यात पार पडले होते. त्यांचे अनेक फोटो सोशल मीडियावर व्हायरल झाले होते.

करिश्मा तन्ना आणि वरुण बंगेरा यांची भेट एका कॉमन फ्रेंडमुळे झाली होती. त्यांनी अनेक दिवस एकेमकांना डेट करून गेल्यावर्षी साखरपुडा केला होता.