Rashami Desai B'day Spl: स्वतःच्या आईशीच बोलत नव्हती रश्मी देसाई,'हे' होतं कारण

लोकप्रिय टीव्ही अभिनेत्री रश्मी देसाई आज तिचा 36 वा वाढदिवस साजरा करत आहे. आपल्या बोल्ड लुक आणि स्टाइलसाठी ओळखली जाणारी रश्मी देसाई 'उतरन' या मालिकेतून 'तपस्या' च्या रूपात घराघरात पोहोचली होती. टीव्हीच्या सर्वाधिक मानधन घेणाऱ्या अभिनेत्रींमध्ये तिचा समावेश होतो. तिच्या प्रोफेशनल लाइफबद्दल सगळ्यांनाच माहिती आहे. परंतु आता तिचं खाजगी आयुष्यसुद्धा लपून राहिलेलं नाहीय.

रश्मी देसाईने काही काळापूर्वी आपला पहिला घटस्फोट, बॉयफ्रेंडकडून झालेली फसवणूक आणि आईसोबतचा वाद या सर्वांबाबत खुलेपणाने संवाद साधला होता.

रश्मी देसाईच्या आयुष्यात अनेक चढ-उतार आले आहेत. एक काळ असाही होता की अभिनेत्रीचा आपल्या जन्मदात्या आईसोबतच संवाद बंद आला होता.

बिग बॉस 13 नंतर मात्र या आई आणि मुलीच्या नात्यातील सर्व दुरावे दूर झाले होते. अभिनेत्रीने स्वतः आपल्या आईसोबतच्या बिघडत चाललेल्या नात्यावर स्पष्टीकरण दिलं होतं. टाईम्स ऑफ इंडियाला दिलेल्या मुलाखतीत रश्मी देसाईने तिच्या आईसोबतच्या नात्यावर खुलासा करत म्हटलं होतं- 'आई आणि माझ्या नात्यात खूप अडचणी होत्या'.

एकेकाळी आमच्यातील संभाषणही पूर्णपणे थांबलं होतं. आमच्यामध्ये जनरेशन गॅप आला होता. माझे आयुष्य एखाद्या रोलर कोस्टर राईडसारखे आहे.

पुढे बोलताना रश्मी म्हणाली, 'म्हणूनच मला नेहमी वाटत होतं की माझ्या आयुष्यात असं कोणीतरी असावं जो मला लहान मुलासारखं प्रेम आणि लाड करेल. कारण मी माझ्या घरातील सर्वात जबाबदार मुलगी आणि अभिनेत्री देखील होते. माझ्या खांद्यावर खूप जबाबदाऱ्या होत्या. ज्या मला पूर्ण करायच्या होत्या.

बिग बॉसने मला जे हवं होतं ते सर्वकाही दिलं आहे. या घरात असताना मला समजलं की माझं कुटुंब मला सपोर्ट करत आहे. आणि तेव्हा मी निश्चिन्त झाले. आता आमच्या कुटुंबात सगळंकाही ठीक आहे.

रश्मी देसाई बिग बॉस 15 मध्ये देखील दिसली होती. तिने वाईल्ड कार्ड स्पर्धक म्हणून घरात एन्ट्री केली होती. इतकंच नव्हे तर ती टॉप 5 मध्ये पोहोचली होती. इथेही तिची आई रसीला सपोर्ट करण्यासाठी आली होती.

रश्मीने 'दिल से दिल तक', 'इश्क का रंग सफेद', 'अधुरी कहानी हमारी', 'नच बलिए 7' आणि 'खतरों के खिलाडी 6' सारख्या शोमध्ये काम केलं आहे. रश्मीने उतरनमधील तिचा को-स्टार नंदिश संधूसोबत लग्न केलं होतं. पण हे नाते फार काळ टिकलं नाही. लग्नानंतर काही दिवसांनी दोघांचा घटस्फोट झाला.

यानंतर रश्मीच्या आयुष्यात अरहान खान आला. पण 'बिग बॉस 13'मध्ये सलमानने अरहानबद्दल काही खुलासे केले होते. पुढे रश्मी आणि अरहानचे नातेही संपुष्टात आले. त्यांनतर आता बिग बॉस १५ मध्ये रश्मी आणि उमर रियाज एकमेकांच्या जवळ आलेलं पाहायला मिळालं होतं.