Sidharth Shukla प्रमाणेच 'या' कलाकारांनीही हार्ट अटॅकने गमावला जीव

प्रसिद्ध टीव्ही अभिनेता सिद्धार्थ शुक्लाने (Sidharth Shukla) आज सकाळी जगाचा निरोप घेतला. त्याच्या अकाली जाण्याने सिनेसृष्टीवर शोककळा पसरली आहे. हृदयविकाराच्या झटक्याने त्याचं निधन झालं. पण सिद्धार्शप्रमाणेच मागील काही वर्षातं अनेक कलाकारांनी असाच अकाली जगाचा निरोप घेतला होता. पाहा कोण आहेत.

अभिनेत्री मंदिरा बेदीचे पती दिग्दर्शक राज कौशल यांच दोनच महिन्यांपूर्वी हृदयविकाराच्या झटक्याने निधन झालं.

अभिनेते राजीव कपूर यांचही काही महिन्यांपूर्वीच हृदयविकाराच्या झटक्याने निधन झालं होतं.

प्रसिद्ध नृत्य दिग्दर्शिका सरोज खान यांचही मागील वर्षी हार्ट अटॅकने निधन झालं.

प्रसिद्ध अभिनेते संजीव कुमार यांचही वायाच्या ४८व्या वर्षी हृदयविकाराच्या झटक्याने १९८५ साली अकाली निधन झालं होतं. त्यांच्या निधनाने देशभरात हळहळ व्यक्त झाली होती.

सलमान खानसोबत सहाय्यक अभिनेता म्हणून काम करणारा प्रसिद्ध अभिनेता इंदर कुमारचं २०१७ साली हृदयविकाराच्या झटक्याने निधन झालं. तो ४३ वर्षांचा होता.

मराठी आणि हिंदी सिनेसृष्टीतील प्रसिद्ध अभिनेत्री रीमा लागू यांचही २०१७ साली हार्ट अटॅकने निधन झालं. त्यांची प्रकृती अतिशय उत्तम होती. मात्र अचानक त्या काळाच्या पडद्याआड गेल्या.

प्रसिद्ध अभिनेते ओम पूरी यांनी २०१७ साली जगाचा निरोप घेतला. आपल्या राहत्या घरी ते जमीनीवर कोसळलेले मृत अवस्थेत आढळले होते. त्यांनाही हार्ट अटॅक आला होता.

प्रसिद्ध अभिनेते देवानंद यांनी वयाच्या ८८व्या वर्षी लंडन येथे अखेरचा श्वास घेतला. त्यांना हार्ट अटॅक आला होता.

दिग्गज अभिनेते फारुख शेख यांच २०१३साली दुबईत निधन झालं. त्यांना हार्ट अठॅक आला होता.

प्रसिद्ध गायक आणि अभिनेते किशोर कुमार यांनाही हृदयविकाराचा झटका आला होता. १९८७साली त्यातच त्याचं निधन झालं.

प्रसिद्ध अभिनेते विनोद मेहरा यांच वयाच्या ४५ व्या वर्षी हार्ट अटॅकने निधन झालं होतं.