बिग बाॅसच्या घरात अनुप जलोटा परतले, जसलीनसोबत होणार आमना सामना

बिग बाॅस 12चा वीकेण्ड वार चांगलाच गाजतो. महत्त्वाचं म्हणजे या दिवशी सलमान भेटतो. आणि त्याच्यासोबत एक सरप्राईझ असतं. यावेळी प्रेक्षकांना मोठं सरप्राईझ मिळणार आहे.

बिग बाॅसच्या घरात अनुप जलोटा परत येणार आहेत. जसलीन आणि त्यांचा होणार आमना सामना.

बिग बाॅसच्या घराबाहेर पडल्यानंतर जसलीन आणि आपलं काहीच रोमँटिक नातं नाही, असं त्यांनी सांगितलं होतं. त्यामुळे आता जसलीनच्या बऱ्याच प्रश्नांना त्यांंना उत्तर द्यावं लागणार आहे.

जसलीननं अनुपजींबरोबर तीन वर्षाचं नात असल्याचा दावा केला होता. पण अनुप जलोटांनी तिला खोटं पाडलं.

यावर सलमानही हाच प्रश्न त्यांना विचारणार. यावर अनुप जलोटा म्हणणार, आमचं काही रोमँटिक नातं नव्हतं.

बिग बाॅसच्या घरात हा प्रेमाचा खेळ मात्र चांगलाच रंगणार आहे.