रुग्णालयातून सुखरुप घरी परतले अंकिताचे बाबा; फोटो शेअर करीत मुलीनं दिलं हे वचन

छोट्या पडद्यावरील यशानंतर बॉलिवूड चित्रपटात पाऊल ठेवणारी अंकिता लोखंडे (Ankita Lokhande) गेल्या अनेक दिवसांपासून अनेक कारणांमुळे चर्चेत आहे. काही दिवसांपूर्वी अंकिताने आपल्या सोशल मीडियावर तिचे वडील रुग्णालयात असल्याचे सांगितले होते. त्यानंतर तिने पुन्हा एकदा वडिलांसोबतचे काही फोटो शेअर केले आहेत. अंकिताने हे फोटो तिचे वडील रुग्णालयातून घरी आल्यानंतर शेअर केले आहेत. (Photo Credit- @lokhandeankita/Instagram)

अंकिता लोखेंडेने आपल्या इन्स्टाग्राम अकाऊंटवर एक पोस्ट शेअर केली आहे. या पोस्टमध्ये त्यांनी आपल्या वडिलांसोबत काही फोटो शेअर केले आहेत. या पोस्टमध्ये अंकिताने वडील घरी आल्याचा आनंद व्यक्त केला आहे. या पोस्टमध्ये ती आपल्या वडिलांची कायम काळजी घेणार असल्याचे सांगितले आहे. (Photo Credit- @lokhandeankita/Instagram)

अंकिताने इन्स्टावर लिहिलं आहे - बाबा तुम्ही घरी आल्याचा मला खूप आनंद आहे. मी वचन देते मी तुमची नेहमी काळजी घेईन. ज्याप्रमाणे तुम्ही माझी व कुटुंबाची काळजी घेता, मी देखील तुमची काळजी घेईन. (Photo Credit- @lokhandeankita/Instagram)

काही दिवसांपूर्वी अंकिताने रुग्णालयात उपचार घेणाऱ्या वडिलांसोबतचा एक फोटो शेअर केला होता. यामध्ये तिने वडील आजारी असल्याचे सांगितले होते. (Photo Credit- @lokhandeankita/Instagram)

अंकिता लोखंडे सोशल मीडियावर खूप सक्रिय असते आणि देश व बॉलिवूडमधील अनेक मुद्द्यांवर आपलं मत व्यक्त करते. (Photo Credit- @lokhandeankita/Instagram)