‘भारतात पुन्हा कशी येऊ?’ विदेशात अडकलेली अभिनेत्री आई-वडिलांसाठी व्याकूळ

कोरोनाचं संक्रमण दिवसेंदिवस वाढतच चाललं आहे. त्यामुळं अमेरिकेनं देशाबाहेर जाणाऱ्या लोकांवर पुढील काही काळासाठी बंदी घातली आहे.

या बंदीमुळं बॉलिवूड अभिनेत्री अमायरा दस्तूर अमेरिकेतच अडकली आहे. तिचे आई-वडील भारतात राहतात. परंतु कोरोनामुळं पुढील काही काळ तिला कुटुंबीयांपासून दूरच राहावं लागणार आहे.

अमायरानं अलिकडेच कोरोना वॅक्सिन घेतलं व सोबतच इतरांनी देखील लवकरात लवकर लसीकरण करुन घ्यावं यासाठी जनजागृती केली.

सोशल मीडियाद्वारे ही जनजागृती करत असताना तिनं स्वत:च्या सद्य परिस्थितीवर भाष्य केलं. ती म्हणाली, “कोरोनाच्या अंधकारातून बाहेर येण्यासाठी लसीकरण हाच एक मार्ग आहे. त्यामुळं लवकरात लवकर लस घ्या अन् कोरोनामुक्त व्हा.”

पुढे ती म्हणाली, “या कोरोनामुळं मी माझ्या आईवडिलांना भेटले नाहिये. भारतात परिस्थिती खूपच नाजूक आहे. त्यामुळं त्यांच्यापासून दूर राहणंच मी पसंत करतेय. पण आता मी त्यांच्या आठवणीनं व्याकूळ होतेय.”

राज्यात 15 जूनपर्यंत दोन कोटी 64 लाख 39 हजार 829 जणांचे लसीकरण झाले आहे. 45 पुढील लोकांचे लसीकरण अजूनही मोठ्या संख्येने होणे बाकी आहे.