आलिया भट्ट ते अक्षय कुमार हे स्टार्स काही मिनिटांच्या भूमिकेसाठी आकारतात करोडोंची फी

अजय देवगण चित्रपटसृष्टीत त्याच्या वेगवेगळ्या व्यक्तिरेखांसाठी ओळखला जातो. अजयने आपल्या अभिनय कारकिर्दीत असे अनेक चित्रपट केले ज्यांनी बॉक्स ऑफिसवर यशाचा झेंडा रोवला. अलीकडेच अजय देवगणच्या 'दृश्यम 2' या चित्रपटानेही बॉक्स ऑफिसवर चांगली कमाई केली आहे.

पण अजय देवगणने 'RRR' चित्रपटात कॅमिओ केला होता. मीडिया रिपोर्ट्सनुसार, अजयने त्याच्या भूमिकेसाठी तब्बल 35 कोटी रुपये घेतले होते.

अक्षय कुमार हा फिल्म इंडस्ट्रीचा असा सुपरस्टार आहे ज्याच्या नावानेच चित्रपट हिट होतात. ती गोष्ट वेगळी की 2022 हे वर्ष अक्षय कुमारसाठी काही खास ठरले नाही. त्याचे अनेक बॅक टू बॅक सिनेमे फ्लॉप झाले.

अक्षय मुख्य भूमिकेत असो किंवा चित्रपटांमध्ये कॅमिओ करणार असो पण भरमसाठ फी आकारतो. अक्षय कुमारने आनंद एल राय यांच्या 'अतरंगी रे' चित्रपटात कॅमिओ केला होता. हा चित्रपट चालला नसेल पण त्याची व्यक्तिरेखा खूप आवडली. रिपोर्ट्सनुसार, अक्षयने या चित्रपटासाठी 27 कोटी रुपये घेतले होते.

हुमा कुरेशीने तिच्या करिअरच्या सुरुवातीला छोट्या भूमिका केल्या असतील. पण आज ती टॉप अभिनेत्रींपैकी एक आहे. आपल्या अभिनय कारकिर्दीत, हुमाने आतापर्यंत अनेक चित्रपटांमध्ये सशक्त भूमिका साकारल्या आहेत.

आलिया भटच्या ब्लॉकबस्टर चित्रपट 'गंगूबाई काठियावाडी'मध्ये अभिनेत्रीने कॅमिओ केला होता. वृत्तांवर विश्वास ठेवला तर हुमाने भन्साळींच्या चित्रपटात काम करण्यासाठी तब्बल 2 कोटी रुपये आकारले होते

या वर्षीचा ब्लॉकबस्टर चित्रपट आरआरआर होता. या चित्रपटात अजय देवगण आणि आलिया भट्ट यांनी कॅमिओ केला होता.

या चित्रपटात आलिया थोडाच वेळ स्क्रीनवर दिसली. पण यासाठी आलियाने या चित्रपटासाठी 9 कोटी रुपये फी आकारली होती.