Bachchhan Paandey ला 'पत्थर की आँख' मुळे भयंकर त्रास; डोळ्यांनी दिसणंही...

'बच्चन पांडे' (Bachchhan Paandey) प्रदर्शित झाली आहे आणि या सिनेमाला संमिश्र रिव्ह्यू मिळाले आहेत. अक्षय कुमारसह या सिनेमात कृती सेनॉन (Kriti Sanon), जॅकलीन फर्नांडिस (Jacqueline Fernandez) आणि अरशद वारसी आहेत. एवढी तगडी स्टारकास्ट असूनही हा सिनेमा बॉक्स ऑफिसवर हवी तशी कमाल केली नाही. चित्रपटात अक्षयने एक गँगस्टरची भूमिका केली आहे आणि त्याचा लुकही खतरनाक आहे. अलीकडेच तो या लुकविषयी माहिती देत होता..

फिल्म 'बच्चन पांडे' (Bachchhan Paandey) मध्ये अक्षय कुमार (Akshay Kumar) च्या भूमिकेचं नाव बच्चन पांडेय आहे आणि या पात्राचा एक डोळा दगडाचा आहे.

'पत्थर की आँख' दाखवण्यासाठी अक्षय कुमारने लेन्सचा वापर केला होता. मात्र ही लेन्स लावताना त्याला भयंकर त्रास होत असे. अक्षयने स्वत: याबाबत खुलासा केला आहे.

इंडिया टुडेच्या वृत्तानुसार, 'बच्चन पांडे'च्या या लूकसाठी त्याला खूप त्रास सहन करावा लागला आहे. अक्षय कुमारने सांगितले की लेन्स घालणे आणि नंतर काढणे खूप कठीण होते. त्याने सांगितले की मी स्वतः माझ्या डोळ्यात ती लेन्स फिक्स करू शकत नसे, त्यामुळे अक्षरश: जीव जायचा.

अक्षय कुमारने सांगितले की, ही खूप मोठी लेन्स होती. ती लावल्यानंतर मला सर्वकाही अस्पष्ट दिसत असे आणि तशाच प्रकारे मी शूट करायचो. मला फक्त समोर एक आकृती दिसायची. अक्षय कुमारने दिलेल्या माहितीनुसार लेन्स लावल्यावर त्याल डोळ्यांनी दिसणंही अस्पष्ट व्हायचं

जेव्हा अक्षय कुमारला विचारण्यात आले की त्याला या भूमिकेसाठी तयार होण्यासाठी किती वेळ लागत असे? यावर तो म्हणाला की पहिल्या दिवशी सुमारे 15 मिनिटे लागली, परंतु यानंतर मी अवघ्या 2-3 मिनिटांत तयार व्हायचो

त्याने पुढे सांगितले की, तीन दिवस भरपूर फोटोशूट करून आम्ही आमचा लुक ठरवला होता.

'बच्चन पांडे' हा 2014 मध्ये आलेल्या तमिळ चित्रपट 'वीरम'चा रिमेक आहे. 'बच्चन पांडे'ने दोन दिवसांत 25.25 कोटींची कमाई केली आहे. 'द काश्मीर फाइल्स' बॉक्स ऑफिसवर 'बच्चन पांडे'ला जोरदार टक्कर देत आहे. त्यामुळे या सिनेमाची अपेक्षित होताना दिसत नाही आहे