'HDDCS'च्या सेटवरील धम्माल मस्ती; अजय देवगणनं शेअर केले 22 वर्ष जुने फोटो

हम दिल दे चुके सनम हा बॉलिवूडमधील आजवरच्या सर्वाधिक लोकप्रिय चित्रपटांपैकी एक म्हणून ओळखला जातो.

सलमान खान, ऐश्वर्या राय आणि अजय देवगणच्या लव्ह ट्रायांगलमुळं हा चित्रपट सुपरहिट ठरला होता.

या चित्रपटाला आता 22 वर्ष उलटून गेली आहेत. या निमित्तानं अजय देवगणनं काही खास फोटो शेअर केले आहेत.

या फोटोंद्वारे अजयनं पुन्हा एकदा आपल्या जुन्या आठवणींना नव्यानं उजाळा देण्याचा प्रयत्न केला आहे.

22 वर्षांपूर्वी आलेल्या चित्रपटाची क्रेझ आजही पाहायला मिळते. या चित्रपटातील गाणी, डायलॉग्स आजही तरुणवर्ग तितक्याच उत्साहानं ऐकतात.

या चित्रपटाचं दिग्दर्शन संजय लीला भंन्साळी यांनी केलं होतं. या चित्रपटामुळं ते खऱ्या अर्थानं प्रकाशझोतात आले होते.

या चित्रपटादम्यान ऐश्वर्या राय सलमान खानला डेट करत असल्याच्या चर्चा होत्या. त्यामुळं पडद्यामागची लव्ह स्टोरी पडद्यावर झळकली त्यामुळं हा चित्रपट सुपरहिट झाला असेही काही जण म्हणतात.

या चित्रपटातील निबोडा निबोडा, चांद छुपा बादल में आणि ‘हम दिल दे चुके सनम’ ही तीन गाणी तर तुफान गाजली होती.

चित्रपटातील चांद छुपा बादल में या गाण्यासाठी उदित नारायण यांना सर्वोत्कृष्ट गायकाचा पुरस्कार देखील मिळाला होता.

16 कोटींचं बजेट असणाऱ्या चित्रपटाने तब्बल 52 कोटी रुपायंचा गल्ला बॉक्सऑफिसवर कमावला होता.