Aishwarya Narkar: 'मला खूप इच्छा होती भेटायची पण...'; ऐश्वर्याला पाहिल्यावर चाहत्याची झाली अशी अवस्था

ऐश्वर्या नारकर या अभिनेत्रीला साड्यांची भारी आवड असल्याचं अनेक फोटो मधून पाहायला मिळतं.

सध्या ऐश्वर्या यांनी एका नव्या साडीमध्ये सुंदर फोटोशूट केलं आहे ज्यावर चाहते अक्षरशः प्रेमाचा वर्षाव करत आहेत.

फिटनेसबद्दल आरोग्याबद्दल जागरूक असणारी ही अभिनेत्री आजही आपल्या अदांनी प्रेक्षकांना घायाळ करताना दिसते.

ऐश्वर्या यांनी काळी पैठणी आणि त्याला साजेसं ब्लाउज परिधान करत एक अप्रतिम लुक तयार केला आहे.

त्यावर चाहते त्यांना वेगवेगळ्या कमेंट करून त्यांचं कौतुक करत आहेत.

एका युजरने ऐश्वर्याच्या फोटोवर भन्नाट कमेंट केली आहे. ‘हा फोटो पुण्यात काढला आहे ना औंध रोड येथे.मी बघीतल होत . Sir पण होते पण तुम्हाला आवडणार कि नाही म्हणून पुढे आले नाही. पाऊस पण होता.पण मला खूप इच्छा होती तुम्हाला भेटायची’ असं म्हणत ही चाहती व्यक्त झाली आहे.

एका युजरने ‘जर खरंच मल्टिव्हर्स ही संकल्पना अस्तित्वात असेल तर तुम्ही त्या मल्टिव्हर्सची राणी आहात’ असं म्हटलं आहे.

तर एका फोटोमध्ये ऐश्वर्या वर बघून पोज देताना दिसत आहेत. त्यावर एक युजर लिहितो, ‘बस जेवढ्या उंचीवर तुम्ही बघतात तेवढ्याच उंचीवर तुम्ही आहात.’

ऐश्वर्या नारकर यांनी अनेक मालिका, नाटकांमध्ये त्यांच्या अभिनयाचं कौशल्य दाखवून स्वतःची वेगळी ओळख निर्माण केली आहे.