'ती बरी नाही' सिद्धार्थच्या निधनानंतर मैत्रीण शेहनाझ दुःखात; वडिलांनी सांगितली मनस्थिती

अभिनेता सिद्धार्थ शुक्लाच्या (Sidharth Shukla) निधनानंतर सर्वच स्थरातून हळहळ व्यक्त केली जात आहे. त्याचे लाखो तसेच त्याचे जवळचे नातेवाईक आणि मित्र मैत्रिणींकडूनही शोक व्यक्त केला जात आहे. बिगबॉस शोमधून नावरुपास आलेली जोडी शेहनाझ गिल (Shenaaz Gill) सिद्धार्थ अगदी जवळचे मित्र होते. त्याच्या जाण्याने शेहनाझवर मोठा दुःखाचा डोंगर कोसळला आहे.

अभिनेता सिद्धार्थ शुक्ला आणि शेहनाझ गिल बिग बॉस १३ मध्ये एकमेकांना भेटले होते. त्यांची जोडी सोशल मीडियात आणि त्यांच्या चाहत्यांमध्ये खूपच प्रसिद्ध आहे.

सिधनाझ नावाने ते फारच प्रसिद्ध झाले होते. दोघांचे लाखो चाहते आहेत.

सिद्धार्थचं गुरूवारी अकाली निधन झालं. त्यानंतर प्रत्येकजन सध्या मोठ्या सदम्यात आहे.

आठवडाभरापूर्वीच ते डान्स दिवानेच्या मंचावर हजर राहिले होते.

सिद्धार्थच्या जाण्याने शेहनाझलाही मोठा धक्का बसला आहे. तर तिची प्रकृती ठिक नसल्याचं तिच्या वडिलांनी सांगितलं आहे.

शेहनाझचे वडील संतोख सिंग सुख यांनी सांगितलं की ती सध्या बरी नाही. स्पॉटबॉयला दिलेल्या मुलाखतीत ते म्हणाले, "आता काहीही बोलण्याच्या मनस्थितीत मी नाही. जे काही झालं त्यावर माझा विश्वास बसत नाही."

पुढे ते म्हणाले की, "माझं तिच्याशी बोलणं झालं. ती बरी नाही. माझा मुलगा शेहबाझ तिच्याकडे मुंबईला जात आहे. मीही नंतर जाणार आहे."

सिद्धार्थ आणि शेहनाझच्या चाहत्यांकडून मोठं दुःख व्यक्त केलं जात आहे. #SidNazz हा हॅशटॅग ट्विटरवर नेहमी ट्रेंड व्हायचा. जो आजही होत आहे.