Bigg Boss15: 'उतरन' फेम टीना दत्ताची बिग बॉसमध्ये होणार एन्ट्री!अभिनेत्रीच्या पोस्टने केला खुलासा

छोट्या पडद्यावरील सर्वात लोकप्रिय रिएलिटी शो म्हणून बिग बॉसला ओळखलं जातं. यावेळी बिग बॉस आधी डिजीटल माध्यमातून दाखवण्यात आलं आहे. यावेळी बिग बॉस OTT स्वरुपात आपल्या भेटीला आला आहे. 6 आठवड्यानंतर हा शो टीव्हीवर शिफ्ट केला जाणार असल्याचं सांगण्यात आलं होतं. त्यानुसार आत्ता लवकरच ‘बिग बॉस 15’टीव्हीवर पाहायला मिळणार आहे

तत्पूर्वी शोमध्ये कोणते कलाकार स्पर्धक म्हणून येणार याची उत्सुकता शिगेला पोहोचली आहे. कोणत्याही नावाचा अधिकृत खुलासा झालेला नाही. मात्र अनेक कलाकारांच्या नावाच्या चर्चा सुरु आहेत. चाहते त्यांच्याबदल जाणून घेण्यासाठी उत्सुक झाले आहेत.

उतरन' फेम अभिनेत्री टीना दत्ताच्या नावाची प्रत्येक सीजनला चर्चा असते. प्रत्येक सीजनला टीना घरात येणार असल्याचं म्हटलं जातं. मात्र ती नेहमीच या अफवांना खोडून काढते. यावेळीसुद्धा टीनाच्या नावाची जोरदार चर्चा सुरु आहे. मात्र अभिनेत्रीने या गोष्टीच खंडन केलं आहे.

टीनाने नुकताच आपल्या इन्स्टाग्रामवर एक पोस्ट केली आहे. त्यामध्ये तिने बिग बॉस टाइम्स मॅगझीनचा कव्हर पेज शेअर करत. आपण फक्त बिग बॉस मॅगझीनच्या कव्हर पेजवर झळकत असल्याचं म्हटलं आहे.

तसेच टीनाने पुढे 'नॉट डूईंग बिग बॉस' असं लिहिलं आहे. तसेच या लव्ह अफेयरच्या चर्चाही सुरूच राहतील असंही म्हटलं आहे. मात्र या पोस्टवरून चाहत्यांच्या मनात अजूनच जास्त संभ्रम निर्माण झाला आहे.

मात्र शोसाठी प्रेक्षकांची उत्सुकता शिगेला पोहोचली आहे. दरवर्षी प्रमाणे यावर्षीसुद्धा बिग बॉसमध्ये काहीतरी नवीन असणार आहे. जंगलनंतर अजून काय काय असणार हे पाहण्यासाठी चाहते आतुर झाले आहेत.