...म्हणून अभिनेत्री समंथाने शाहरूख खानच्या या चित्रपटात काम करायला दिला होता नकार

मीडिया रिपोर्टनुसार शाहरुख खान सध्या एका अॅक्शन फिल्मवर काम करत आहे. या चित्रपटातील एका भूमिकेसाठी समंथाला विचारणा करण्यात आली होती. या चित्रपटाचं अजून कोणतेही नाव ठरवण्यात आलेलं नाही.

शाहरुख खानसोबत काम करण्यासाठी समंथाला विचारण्यात आलं होतं. परंतु तिने या चित्रपटात काम करण्यास नकार दिला. त्यासाठी तिने वैयक्तिक कारण असल्याचं सांगितलं.

समंथा ही वेब सीरिज द फॅमिली मॅन 2 मध्ये दिसली होती. त्यात तिच्या अभिनयाचं फार कौतुक करण्यात आलं होतं. दक्षिणेतील सिनेसृष्टीत मोठं यश मिळवल्यानंतर आता ती लवकरच बॉलिवूडमध्ये पदार्पण करणार आहे.

नागा चैतन्यपासून वेगळी झाल्यामुळे समंथा चर्चेत आहे. आता ती लवकरच तिच्या पहिल्या बॉलिवूड चित्रपटाची घोषणा करण्याची शक्यता वर्तवली जात आहे.

शाहरूखसोबतच्या चित्रपटाला समंथाने नकार दिल्यानंतर नयनताराला चित्रपटासाठी विचारणा करण्यात आली तेव्हा तिने होकार दिला. सध्या या चित्रपटाचं शूटिंग सुरू आहे. ती सध्या शाहरुख खानशिवाय मुंबईत चित्रपटाचे शूटिंग करत आहे.

समंथा आणि नागा चैतन्य यांचा घटस्फोट झाला असून ते आता वेगळं राहत आहे. तिच्या या निर्णयामुळं तिला मोठ्या प्रमाणात ट्रोलदेखील करण्यात आलं होतं. त्यावेळी तिने ट्रोलर्सना खडे बोल सुनावले होते.