सहकुटुंब सहपरिवार मालिकेतून अंजीची एक्झिट? अभिनेत्री कोमल कुंभारची जागा घेणार 'ही' अभिनेत्री

स्टार प्रवाहवरील सहकुटुंब सहपरिवार या मालिकेत सध्या ट्विस्ट आला आहे.

मालिकेत पशाचा अपघात होऊन त्याच्या मृत्यू दाखवण्यात आला होता. मात्र नशिबानं तो वाचतो.

इकडे मोरे कुटुंबाला पशाच्या मृत्यूनंतर त्याच्या इन्श्युरन्सचे पैसे मिळातात आणि त्याच वेळेस पशा घरी परत येतो. पण आपल्यामुळे कुटुंबाला पैसे मिळाले आहेत हे पाहून तो लपून बसतो.

आता घरच्यांपासून लपून छपून पश्या आणि अंजीला भेटावं लागतं. अंजी आणि पशाची जोडी प्रेक्षकांमध्येही हिट झाली आहे. पण मालिकेत आता नवी अंजी प्रेक्षकांना पाहायला मिळणार आहे.

मालिकेच्या येत्या भागात अंजी होळी खेळण्यासाठी पश्याला भेटायला जाते. अंजी बाहेर गेल्यानंतर आता घरात नवी अंजी येणार आहे.

अंजी गुड्डीला तिची साडी नेसून घरात पाठवते आणि स्वत: पश्याला भेटण्यासाठी घराबाहेर पडते.

आता काही भागात गुड्डीच अंजी म्हणून मालिकेत दिसणार आहे.

अंजीचा वेश गुड्डीवरही चांगलाच जमून आला आहे.

मालिकेत अंजीची भूमिका अभिनेत्री कोमल कुंभारनं साकारली आहे. तर पश्याची भूमिका अभिनेता आकाश नलावडे साकारत आहे. खेळकर आणि कणखर आवाज असलेल्या गुड्डीच्या भूमिकेत अभिनेत्री भाग्यश्री पवार आहे.