सुप्रीम कोर्टाच्या निर्णयानंतर सुशांतच्या बहिणीने मानले देवाचे आभार, अंकिता म्हणाली- 'सत्याचा विजय'

सुशांत सिंह राजपूत (Sushant Singh Rajput) मृत्यूप्रकरणी सर्वोच्च न्यायालयाच्या निकालाबाबत सुशांतची एक्स गर्लफ्रेंड अंकिता लोखंडे (Ankita Lokhande) आणि बहिण श्वेता सिंह किर्ती (Shweta Singh Kirti) यांनी आनंद व्यक्त केली आहे.

सुशांत सिंह राजपूत मृत्यूप्रकरणी (Sushant Singh Rajput) रिया चक्रवर्तीने (Rhea Chakraborty) दाखल केलेल्या याचिकेवर आज सर्वोच्च न्यायालयाने सर्वात मोठा निर्णय दिला आहे. हे प्रकरण आता सीबीआयकडे हस्तांतरित करण्यात आले आहे. सीबीआय चौकशीचे आदेश कोर्टाने दिले आहेत. महाराष्ट्र शासनाने त्यांचे पालन केले पाहिजे आणि मदत केलीच पाहिजे, असे आदेश देशाच्या सर्वोच्च न्यायालयाने दिले आहेत.

सुशांत सिंह राजपूत मृत्यू प्रकरणी निकाल सीबीआयच्या बाजुने लागला आहे. या प्रकरणाचा तपास सीबीआयकडे हस्तांतरित करण्यात आला आहे.

महाराष्ट्र शासनाने त्यांचे पालन केले पाहिजे आणि मदत केलीच पाहिजे, असे आदेश देशाच्या सर्वोच्च न्यायालयाने दिले आहेत.

पाटणामध्ये दाखल करण्यात आलेली एफआयआर मुंबईमध्ये ट्रान्सफर केली जावी अशी मागणी रिया चक्रवर्तीकडून केली गेली होती.

महाराष्ट्र सरकार आणि रिया चक्रवर्तीने याप्रकरणी दाखल करण्यात आलेली एफआयआर मुंबई पोलिसांकडे सोपावण्यात यावी अशी मागणी केली होती. सुशांतचे वडील आणि बिहार सरकारने याचा विरोध केला होता.

सुनावणी करणरे न्यायाधीश ऋषिकेश रॉय यांनी सर्व पक्षांचे युक्तिवाद संक्षिप्त लिखित नोट स्वरूपात 13 ऑगस्टपर्यंत जमा करण्यास परवानगी दिली होती. सर्व पक्षांनी 13 ऑगस्टपर्यंत जबाब दाखल केला होता. ज्यावर न्यायालयाने आज निर्णय दिला आहे. सर्वोच्च न्यायालयाने आज 35 पानांचा निकाल जाहीर करत तपास सीबीआय करेल असे आदेश दिले आहेत.

सुशांत सिंह राजपूत मृत्यू प्रकरणाचा तपास सीबीआयकडे देण्यात यावा अशी मागणी वेळोवेळी करण्यात येत होती. त्याचे कुटुंबीय त्याचप्रमाणे चाहत्याकडून ही मागणी वारंवार होत होती. 'सत्याचा विजय होतो' असे ट्वीट सर्वोच्च न्यायालयाच्या निर्णयानंतर सुशांतची एक्स गर्लफ्रेंड अंकिता लोखंडेने केले आहे.

त्याचप्रमाणे सुशांतची बहिण श्वेता सिंह किर्ती हिने या निर्णयानंतर देवाचे आभार मानले आहेत, 'सत्याच्या दिशेने हे पहिले पाऊल आहे. सीबीआयवर पूर्ण विश्वास आहे', असे ट्वीट श्वेताने केले आहे.

तर अभिनेत्री कंगना रणौतने असे ट्वीट केले आहे की, 'हा माणुसकीचा विजय आहे. सुशांतसाठी लढा दिलेल्या प्रत्येक योद्ध्य़ाला शुभेच्छा. पहिल्यांदा मी लोकांच्या एकतेची एवढी मोठी शक्ती पाहिली आहे.'

अभिनेता अक्षय कुमारने देखील कोर्टाच्या या निर्णयाचे स्वागत केले आहे.

सुशांतच्या मृत्यूनंतर मुंबई पोलिसांच्या तपासावर वारंवार शंका उपस्थित केली जात होती. त्यामुळे त्याच्या कुटुंबीयांसह अनेक चाहत्यांनी या पूर्ण प्रकरणी सीबीआय चौकशीची मागणी जोर लावून धरली होती. #CBIforSSR चा हॅशटॅग देखील यावेळी सोशल मीडियावर ट्रेंडिंग होता.