सोनूकडून मदतीचा ओघ सुरूच, ऑनलाइन अभ्यासासाठी विद्यार्थ्यांना दिले स्मार्टफोन

अभिनेता सोनू सूद गेल्या काही महिन्यांपासून अनेकांची सातत्याने मदत करत आहे. एकीकडे त्याने हजारो प्रवासी मजुरांना त्यांच्या घरी पोहोचवले आहे. तर आता त्यांना हरियाणा राज्यातील विद्यार्थ्यांच्या मदतीला सोनू धावून गेला आहे.

अभिनेता सोनू सूदने पंचकूलाच्या मोरनी भागातील विद्यार्थ्यांची अभ्यासाठी मदत केली आहे.

ऑनलाइन अभ्यास करण्यासाठी सोनूने या विद्यार्थ्यांना स्मार्टफोन भेट दिले आहेत. सरकारी शाळेचे मुख्याध्यापक पवन जैन यांनी अशी माहिती दिली की, हे विद्यार्थी मोरनी भागातील कोटी गावामध्ये असणाऱ्या सरकारी शाळेमध्ये शिकतात आणि त्यांच्याकडे मोबाइल नसल्यामुळे ऑनलाइन शिक्षणात खंड पडत होता.

अनेक विद्यार्थ्यांना 4 ते 5 किमी चालत जाऊन दुसऱ्यांच्या घरी जाऊन अभ्यास करावा लागत होता. दुसऱ्यांच्या घरी जाऊन त्यांच्या मोबाइलमध्ये अभ्यास त्यांना करावा लागत होता.

पवन जैन यांनी अशी माहिती दिली की, सोनू सूदला याबाबत माहिती मिळाली तर त्याने आणि त्याचा चंदीगढमधील मित्र करण लुथरा याने त्यांच्याशी संपर्क केला आणि मुलांसाठी मोबाइल फोन उपलब्ध करून दिले. त्यामुळे मी सर्व विद्यार्थ्यांच्या वतीने सोनू सूदचे आभार मानतो, असे देखील जैन म्हणाले.

हिमाचलच्या सीमेलगत मोरनी भागातील कोटी हे गाव आहे. मोबाइल नेटवर्कचा देखील याठिकाणी काहीसा प्रॉब्लेम आहे. मात्र मुलांकडे फोनच नसल्याने समस्या आणखी गंभीर होती. सोनूचे या मुलांची समस्या दूर करण्यासाठी त्यांच्यासाठी स्मार्टफोन पाठवले आहेत.