Naga Chaitanya: घटस्फोटानंतरही समंथाबद्दल तितकंच प्रेम; नागा चैतन्यचा नात्याबद्दल मोठा खुलासा

चाहत्यांना ज्या कपलच्या घटस्फोटाने जबर धक्का बसला ते म्हणजे सामंथा रूथ प्रभू आणि नागा चैतन्य.

नागा चैतन्य आणि समंथा ही जोडी सगळ्यांसाठी एक कपल गोल वाटावी अशी होती आणि त्यांनी वेगळं होण्याचा निर्णय घेतल्यावर अनेकांना धक्का बसला होता.

दोघांच्याही डिव्होर्सनंतर त्यांचं खाजगी आयुष्य हे चर्चेत राहिलं आहे. समंथा नुकतीच बहुचर्चित चॅट शो ‘कॉफी विथ करण’ मध्ये सुद्धा येऊन गेली त्यावेळी तिने एक्स-हसबंडशी असलेल्या नात्याबद्दल अनेक धक्कादायक खुलासे केले होते.

मात्र आता या सगळ्या प्रकारावर नागा चैतन्यने सुद्धा स्वतःच म्हणणं मांडलं आहे.

नुकतंच एका मुलाखतीत नागा चैतन्यला समंथाबद्दल प्रश्न करण्यात आला. जर तो समंथाला भेटला तर त्याची रिऍक्शन कशी असेल त्यावर उत्तर देत त्याने सांगितलं की ‘जर मी कधी तिला भेटलो तर मी तिला नक्कीच Hi म्हणेन आणि मिठीसुद्धा मारेन.”

या उलट समंथाने कॉफी विथ करणच्या मंचावर मात्र वेगळाच खुलासा केला होता. घटस्फोटानंतर तुमच्यामध्ये हार्ड फीलिंग्स आहेत का यावर ती म्हणाली, “हो नक्कीच हार्ड फीलिंग्स आहेत. जसं जर आम्हाला तुम्ही एका खोलीत बंद केलंत तर धारदार आणि टोकदार वस्तू आमच्यापासून दूर ठेवाव्या लागतील.सध्या तरी परिस्थिती ठीक नाहीये पण आशा आहे भविष्यात सगळं ठीक होईल”

दरम्यान नागा चैतन्यने चालू असलेल्या प्रकारावर सुद्धा नाराजी व्यक्त केली. एक अभिनेता म्हणून त्याचं काम वगळता त्याच्या खाजगी आयुष्याची अधिक चर्चा होत आहे हे त्याला फारसं पसंत पडत नाही. लवकरच हे सगळं थांबावं अशी आशा सुद्धा त्याने व्यक्त केली.

वर्क फ्रंटवर सध्या नागा चैतन्य लाल सिंग चड्ढा सिनेमात दिसून येत आहे. त्याच्या या सिनेमातील भूमिकेचं कौतुक होत आहे. समंथाशी डिवोर्स झाल्यानंतर शोभिता धूलिपला नावाच्या अभिनेत्रीसह त्याच नाव जोडलं जात आहे.