TV अभिनेत्रीची मोठी घोषणा; या कारणामुळं अभिनय क्षेत्राला ठोकला कायमचा रामराम

कुसुम या मालिकेतून घराघरात पोहोचलेली आश्का गोराडिया ही छोट्या पडद्यावरील एक प्रसिद्ध अभिनेत्री म्हणून ओळखली जाते.

परंतु आश्कानं आता अभिनयाला कायमचा रामराम ठोकला आहे. तिनं अभिनयसृष्टीतून निवृत्ती घेण्याचा निर्णय घेतला आहे.

नुकतीच बॉम्बे टाईम्सला दिलेल्या मुलाखतीत तिनं अभिनय सोडण्यामागचं खरं कारण सांगितलं.

खरं तर आश्काला अभिनयात फारसा रस कधीच नव्हता. तिला एक मेकअप आर्टिस्ट व्हायचं होतं. परंतु अपघातानं ती या क्षेत्रात आली होती.

पहिल्याच मालिकेमुळं तिला प्रचंड लोकप्रियता मिळाली अन् तिच्याकडे काम येत गेलं. परिणामी चाहत्यांसाठी ती काम करत होती. पण आता ती अभिनयाला कंटाळली आहे. त्यामुळं तिनं निवृत्ती घेण्याचा निर्णय घेतला.

आश्काला आता सौंदर्यप्रसाधनांचा व्यवसाय करायचा आहे. त्यासाठी तिनं आपल्या पतीच्या मदतीनं काही वर्षांपूर्वी एका कंपनीची निर्मिती देखील केली होती.

अन् या तिला आपलं संपूर्ण लक्ष या कंपनीकडे द्यायचं आहे. शिवाय तिला जगभरात फिरायचं आहे. परंतु मालिकांच्या व्यस्त वेळाप्रत्रकामुळं तिला शक्य होत नव्हतं.

आश्काला व्यायामाची देखील प्रचंड आवड आहे. आपल्या पतीसोबत योगा करतानाचे फोटो ती सोशल मीडियावर सतत शेअर करत असते.

आश्कानं 2003 साली भाभी या मालिकेतून आपल्या करिअरची सुरुवात केली होती. त्यानंतर तिनं तुम बिन जाऊ कहा?, कयामत, कुसुम, अकेला, जेट सेट गो यांसारख्या अनेक मालिकांमध्ये काम केलं होतं.

गेल्या काही काळात तिनं बालवीर आणि नागिन यांसारख्या सायंस फिक्शन मालिकांमध्ये खलनायिकांची व्यक्तिरेखा साकारली होती.