‘याला म्हणतात डान्सर', आमिरनं केली हार्दिक पांड्याच्या एक्स गर्लफ्रेंडची स्तुती

अली अव्हराम ही बॉलिवूडमधील एक प्रसिद्ध अभिनेत्री आहे. ग्लॅमरस लूक, मादक अदा आणि जबरदस्त डान्स शैलीच्या जोरावर तिनं कमी कालावधीत तुफान लोकप्रियता मिळवली.

अली येत्या काळात अभिनेता आमिर खानच्या चित्रपटात झळकणार आहे. आलिकडेच तिचं आमिरसोबत ‘हर फन मैला’ हे गाणं प्रदर्शित झालं होतं.

या गाण्यात आमिर आणि तिची जबरदस्त केमिस्ट्री पाहायला मिळत आहे. या गाण्यात तिनं केलेल्या नृत्यासाठी आमिर खाननं तिची प्रचंड स्तुती केली आहे.

“अली या जगातीलच नाही ती एक जबरदस्त डान्स आहे. अशी डान्सर यापुर्वी पाहिली नाही” अशा आशयाची इन्स्टापोस्ट लिहून आमिरनं अलीची तोंड भरुन स्तुती केली.

या स्तुतीसाठी तिनं देखील आमिरचे आभार मानले आहेत. “मला प्रोत्साहन दिल्याबद्दल धन्यवाद” अशा आशयाची इन्स्टापोस्ट तिनं केली.

अली अव्हराम ही मूळची स्विडीश अभिनेत्री आहे. पण तिला बॉलिवूडचं प्रचंड आकर्षण होतं. त्यामुळं काम करण्यासाठी ती भारतात आली.

तिनं 2013 साली मिकी व्हायरस या चित्रपटातून बॉलिवूडमध्ये पदार्पण केलं. त्यानंतर किस किस को प्यार करु, वन नाईट स्टँड यांसारख्या काही चित्रपटांमध्ये ती झळकली.

अलीला अभिनयापेक्षा तिच्या डान्सनं अधिक ओळख मिळवून दिली. तिनं बॉलिवूड चित्रपटांमध्ये केलेले आयडम डान्स अधिक लोकप्रिय झाले.

भारतीय क्रिकेटपटू हार्दिक पांड्यासोबत असलेल्या रिलेशनशिपमुळं ती खऱ्या अर्थानं प्रकाशझोतात आली होती. परंतु काही महिन्यांतच अंतर्गत मतभेदांमुळं त्याचं ब्रेकअप झालं.

ती बिग बॉस, नच बलिये, द ग्रेट इंडियन लाफ्टर चॅलेंज यांसारख्या रिअॅलिटी शोमध्ये देखील झळकली आहे.