आमिरवर ट्रोलर्स पडले ‘भारी’; लेकीसोबत ‘सूरज पे मंगल भारी’ बघायला गेला होता मिस्टर परफेक्शनिस्ट

कोरोना संकटामुळे जगभरात लॉकडाऊन करण्यात आला होता. याचा मनोरंजन क्षेत्रावरही मोठा परिणाम झाला होता. आता हळूहळू सगळं पूर्वपदावर येत आहे. लॉकडाऊनमुळे जवळपास 8 महिने बंद असलेली सिनेमागृह आता सुरू झाली आहेत. सिनेमांचं शूटिंगही सुरू झालं आहे. सिनेमागृह सुरू झाल्यानंतर आमिर खान (Aamir Khan) त्यांच्या मुलीसोबत ‘सूरज पें मंगल भारी’ हा सिनेमा बघायला गेला होता.

आमिर खान जेव्हा सिनेमा बघायला आला तेव्हा लोकांनी त्याला पाहण्यासाठी गर्दी केली. आमिरने सुद्धा सगळ्यांना पोझ देत फोटो काढले.

सिनेमा बघायला जाणार असल्याची माहिती आमिरने स्वत: ट्विटवरुन दिली होती. आमिरने ट्वीट केलं होतं की, ‘खूप दिवसांनी मोठ्या पडद्यावर सिनेमा बघता येणार आहे. मी यासाठी फारच उत्सुक आहे.’

आमिरने ट्वीट केल्यावर लगेच त्याला लोकांनी ट्रोल करायला सुरूवात केली. ट्रोलर्सचं म्हणणं आहे की, ‘कोरोना अजूनही संपलेला नाही. अशात सिनेमागृहात जाऊन सिनेमा बघणं योग्य नाही.’

कामाच्या बाबतीत बोलायचं झालं तर, आमिर खान लवकरच ‘लाल सिंह चड्ढा’ या सिनेमातून प्रेक्षकांच्या भेटीला येणार आहे. या सिनेमात त्याच्यासोबत करीना कपूर लीड रोलमध्ये दिसणार आहे.