अनघा-अभिषेक बांधणार लग्नगाठ; 'आई कुठे काय करते' मालिकेत दिसणार कलाकारांचा रेट्रो LOOK

मराठी मालिका आणि महाराष्ट्रातील प्रेक्षकांचं अतूट नातं आहे. प्रत्येक मालिकेला प्रेक्षक प्रेम आणि आपुलकी देत असतात. त्यामुळेच सध्या अनेक मालिका लोकप्रियतेच्या शिखरावर आहेत.

त्यातीलच एक मालिका म्हणजे 'आई कुठे काय करते' होय. या मालिकेला प्रेक्षकांची प्रचंड पसंती मिळत आहे. मालिकेच्या प्रत्येक भागासाठी चाहते उत्सुक असतात.

मालिकेत दररोज नवनवीन ट्विस्ट येतच असतात. त्यामुळे प्रेक्षकवर्ग अक्षरशः खिळून राहतो.मालिकेत सध्या फारच इंटरेस्टिंग भाग सुरु आहे.

सध्या आई कुठे काय करते मालिकेत लगीनघाई सुरु झालीय. बऱ्याच दिवसांपासून ज्या लग्नाची प्रेक्षकांमध्ये कमालीची उत्सुकता होती त्या अभिषेक आणि अनघाचा विवाहसोहळा लवकरच पार पडणार आहे.

या विवाहसोहळ्यासाठी संपूर्ण देशमुख कुटुंब उत्साहात असून खास संगीत सोहळ्याचं आयोजन करण्यात आलं आहे.

या संगीत सोहळ्यात देशमुख कुटुंबाने रेट्रो लूक कॅरी केला आहे. अनिरुद्ध-संजना, अभिषेक-अनघा, माई-अप्पा, यश-गौरी आणि इशाने सदाबहार मराठी गाण्यांवर ठेका धरत संगीत सोहळ्याची रंगत द्विगुणीत केली आहे

या संगीत सोहळ्यात आशुतोषही सामील झाला आहे. अरुंधती आणि आशुतोषमधील ही वाढती मैत्री अनिरुद्धला मात्र खटकत आहे. त्यामुळे एकीकडे आनंदाचं वातावरण असताना अनिरुद्ध मात्र अस्वस्थ आहे. देशमुख कुटुंबातला हा अनोखा विवाहसोहळा मालिकेच्या पुढील भागांमधून पाहायला मिळणार आहे.