मल्टिस्टारर चित्रपट ते हटके वेब सीरिज, नेटफ्लिक्सवर येणार हे 17 नवे कार्यक्रम!

नेटफ्लिक्सने कोरोनाकाळात प्रेक्षकांसाठी मोठी घोषणा केली आहे. कोरोनामुळे अनेक चित्रपट सिनेमागृहांमध्ये प्रदर्शित न होता ओटीटी प्लॅटफॉर्मवर प्रदर्शित होत आहेत. दरम्यान प्रेक्षकांसाठी नेटफ्लिक्स एक नव्हे, दोन नव्हे तर तब्बल 17 नवे कार्यक्रम घेऊन येत आहे.

Netflix च्या या घोषणेबाबत गेल्या काही दिवसांपासून कमालीची उत्सुकता होती. अनेक कलाकारांंनी उत्कंठावर्धक पोस्ट देखील केल्या होत्या. दरम्यान 16 जुलै रोजी नेटफ्लिक्सने याबाबत घोषणा केली.

अ सूटेबल बॉय- मीरा नायर दिग्दर्शित या वेब सीरिजमध्ये तब्बू, इशान खट्टर, विजय वर्मा अशी तगडी स्टारकास्ट दिसणार आहे. विक्रम सेठ यांच्या 'ए सुटेबल बॉय' या कादंबरीवर आधारित हा सिनेमा आहे.

भाग बीनी भाग- यामध्ये स्वरा भास्कर प्रमुख भूमिकेत आहे. फॅमिली ड्रामा, प्रेम यासारखे विषय यामध्ये हाताळण्यात आले आहेत.

बॉम्बे बेगम्स- अलंक्रिता श्रीवास्तव यांच्या या वेब सीरिज बाबत कमालीची उत्सुकता आहे. पुजा भट्ट, अमृता सुभाष, आद्या आनंद या 'बेगम्स' भोवती याचे कथानक आहे.

बॉम्बे रोज- हा चित्रपट विशेष असणार आहे. गीतांजली राव यांची समिक्षकांनी खूप कौतुक केलेली Animated Film आहे.

क्लास ऑफ '83'- बॉबी देओल स्टारर क्लास ऑफ 83 चा देखील फर्स्ट लुक प्रदर्शित करण्यात आला आहे. आयपीएस अधिकाऱ्याच्या भूमिकेत बॉबी देओल दिसत आहे. शाहरुख खानचे प्रोडक्शन हाऊस असणाऱ्या 'रेड चिलीज' चा हा चित्रपट आहे.

डॉली किटी और वो चमकते सितारे - कोंकणा सेन आणि भूमि पेडणेकर या दोन कमालीच्या कलाकार या चित्रपटामध्ये पाहायला मिळणार आहेत.

गिम्मी वेड्स सनी- या रोमँटिक चित्रपटात विक्रांत मैसे आणि यामी गौतम ही जोडी पहिल्यांदाच दिसणार आहे. पुनीत खन्नाने या चित्रपटाचे दिग्दर्शन केले आहे.

गुंजन सक्सेना: द कारगिल गर्ल - अभिनेत्री जान्हवी कपूरचा हा सिनेमा देखील नेटफ्लिक्सच्या 17 कार्यक्रमांच्या यादीमध्ये आहे. यामध्ये पंकज त्रिपाठी देखील महत्त्वाच्या भूमिकेत दिसणार आहेत.

काली खुही- शबाना आझमी स्टारर ही हॉरर स्टोरी असणार आहे. यामध्ये सत्यदीप मिश्रा, संजीदा शेख आणि रिव्हा अरोरा प्रमुख भूमिकेत दिसणार आहेत.

लूडो - या सिनेमात राजकुमार राव, फातिमा सना शेख, अभिषेक बच्चन, पंकज त्रिपाठी, आदित्य रॉय कपूर, सान्या मल्होत्रा आणि आशा नेगी हे कलाकार दिसणार आहेत. 'बर्फी'फेम अनुराग बासू यांनी या चित्रपटाचे दिग्दर्शन केले असून हा चित्रपट एक अँथॉलॉजी कॉमेडी असणार आहे.

मसाबा मसाबा- यामध्ये नीना गुप्ता आणि त्यांची मुलगी मसाबा गु्प्ता पहिल्यांदा स्क्रीन शेअर करताना दिसणार आहेत.

मिसमॅच- यूट्यूब स्टार आणि सोशल मीडिया इन्फ्लूएन्सर 'मोस्टलीसेन' अर्थात प्राजक्ता कोळी या चित्रपटात दिसणार आहे. यामध्ये रोहित सराफबरोबर ती स्क्रीन शेअर करत आहे. याचे दिग्दर्शन निपूण धर्माधिकारी याने केले आहे.

रात अकेली हैृ- राधिका आपटे पु्न्हा एकदा नेटफ्लिक्सवर दिसणार आहे. यामध्ये नवाझुद्दीन सिद्दीकीबरोबर राधिका स्क्रीन शेअर करते आहे. श्वेता त्रिपाठी देखील यात मु्ख्य भूमिकेत आहे.

सीरियस मेन- नवाझुद्दीन सिद्दीकीचा आणखी एक प्रोजेक्ट नेटफ्लिक्सवर पाहायला मिळणार आहे

तोरबाज- संजय दत्तचा तोरबाज हा बहुप्रतिक्षित सिनेमा देखील नेटफ्लिक्सवर प्रदर्शित होणार आहे.

त्रिभंगा- टेढ़ी-मेढ़ी क्रेझी - या फॅमिली ड्रामामध्ये काजोल मुख्य भूमिकेत आहे. तर 'मराठी मुलगी' मिथिला पालकर देखील तिच्याबरोबर स्क्रीन शेअर करणार आहे.

AK vs AK- या चित्रपटात अनुराग कश्यप आणि अनिल कपूर मुख्य भूमिकेत दिसणार आहेत. चित्रपटाचे हे पोस्टर उत्कंठा वाढवणारे आहे. याचे दिग्दर्शन विक्रमादित्य मोटवाने याने केले आहे