रस्त्यावर नागरिकांना चाकू दाखवून घाबरवायच्या तरुणी; आता 'लेडी डॉन'ची झाली शेळी

मध्य प्रदेशातील (Madhya Pradesh) इंदूर येथे रस्त्यावर चालणाऱ्या पादचाऱ्यांना चाकू दाखवून घाबरवणाऱ्या दोन 'लेडी डॉन'ला पोलिसांनी ताब्यात घेतलं आहे. सांगितलं जात आहे की, याच दोन महिलांनी काही दिवसांपूर्वी तुकोगंज पोलीस ठाणे हद्दीतील एका दुकानात तरुणीला मारहाण केली होती.

याच लेडी डॉननी रविवारीदेखील रस्त्यावरुन चालणाऱ्या एका महिलेला टक्कर मारल्यानंतर चाकूचा धाक दाखविला व धमकावण्याचा प्रयत्न केला. इंदूरमधील जवाहर मार्गावरील इमली साहेब गुरुद्वाऱ्यातून घरी दुचाकीवर परतणाऱ्या महिलांना मागून येत दोन तरुणींनी टक्कर मारली व वाद सुरू केला. यानंतर या दोघींनी त्यांना चाकू दाखवित धमकावण्यास सुरुवात केली.

यानंतर घटनास्थळी गर्दी जमा झाली. त्यानंतर जमावादेखील या तरुणी चाकू दाखवून घाबरवण्याचा प्रयत्न करत होत्या. याची सूचना मिळताच सर्राफा बाजार पोलीस घटनास्थळी हजर झाली. पोलिसांनी या दोन्ही तरुणींना ताब्यात घेतलं व पोलीस ठाण्यात आणलं. सध्या या दोन्हीची कसून चौकशी केली जात आहे.

एएसपी राजेश व्यास यांनी सांगितलं की, तरुणींची राहण्याचा पत्ता आणि त्यांनी यापूर्वी केलेल्या गुन्ह्यांचा शोध घेतला जात आहे. पोलिसांनी लोकांना आवाहन केलं आहे की, जर या दोन तरुणींनी त्यांना कोणत्याही प्रकारे त्रास दिला असेल तर त्यांनी पोलिसात येऊन तक्रार दाखल करावी.

काही दिवसांपूर्वी भरस्त्यात दोन तरुणींनी एक महिलेला खूप मारहाण केली होती, याचा एक व्हिडीओ सोशल मीडियावर (Social Media Viral Video) व्हायरल झाला होता. मारहाण करणाऱ्या दोन महिला या ताब्यात घेणाऱ्या महिलांपैकी असल्याचा संशय पोलिसांनी व्यक्त केला आहे.