महिलेचा ‘लग्नांचा घाट’ संपला; 9 व्या पतीने गळ्यावरुन सुरा फिरवून केली हत्या

एका 30 वर्षीय महिलेची तिच्या नवव्या पतीने हत्या केल्याची धक्कादायक बाब समोर आली आहे. पत्नीचे दुसऱ्या पुरुषासोबत संबंध असल्याच्या संशयावरुन पतीने पत्नीला संपवलं.

मंगळवारी हैद्राबादमधील पहाडी शरीफ या भागात ही घटना घडली. आरोपी नागार्जुन हा कुरनूर जिल्हयातील श्रीराम कॉलनीत राहतो. तो व्यवसायाने टॅक्सी ड्रायव्हर आहे. त्याची पत्नी वरालक्ष्मी हिचे नागार्जुन यांच्यासोबतचे संबंध वाढले होते. ती काटेदार इंडस्ट्रीयल भागात काम करत होती. कालांतरने त्या दोघांनी लग्न करण्याचं ठरवलं.

दोन वर्षांपूर्वी वरालक्ष्मीने आपला पती व मुलाल सोडलं व नागार्जुनशी लग्न केलं. लग्नाच्या काही महिन्यांनंतर त्या दोघांमध्ये वाद वाढायला लागला. वरालक्ष्मी हिची दुसऱ्या पुरुषांसोबत होत असलेली जवळील नागार्जुनला आवडत नव्हती.

नागार्जुनने वारंवार तिला याबाबत चेतावनी दिली होती. तिचं दुसऱ्या पुरुषांसोबतची वागणूक त्याला आवडत नव्हती. मंगळवारी पुन्हा याच गोष्टीवरुन दोघांमध्ये वाद सुरू झाला. त्यावेळी नागार्जुनने रागाच्या भरात तिच्या गळ्यावरुन सुरा फिरवला.

या घटनेनंतर नागार्जुनने स्वत:च पोलीस स्टेशनला जाऊन आपला गुन्हा कबूल केला. पोलिसांनी केलेल्या तपासामध्ये नागार्जुन हा महिलेचा नववा पती असल्याचे समोर आले. पोलिसांनी दिलेल्या माहितीनुसार महिला पुरुषांशी जवळीक साधत कालांतराने त्यांच्याशी लग्न करत होती.