भ्रष्टाचाराविरोधात भाषण देत होता अधिकारी; बंगल्यावर छापा मारताच धक्कादायक प्रकार समोर

भ्रष्टाचारविरोधी दिनाच्या दिवशी जयपूर एसीबीच्या पथकाने सवाई माधोपूर येथे मोठी कारवाई करत सवाई माधोपूर एसीबीचे एसपी भेरुलाल यांना 80 हजार रुपयांची लाच घेताना अटक केली.

डीजी बीएल सोनी आणि एडीजी दिनेश एमएम यांच्या मार्गदर्शनाखाली जयपूर एसीबीच्या पथकाने एएसपी पुष्पेंद्र सिंह यांच्या नेतृत्वात ही कारवाई केली.

एसीबीकडून मिळालेल्या माहितीनुसार सवाई माधोपूर एसीबीचे अतिरिक्त एसपी भेरुलाल हे सवाई माधोपूरचे डीटीओ महेश चंद यांच्याकडून महिन्याला 80000 रुपयांची लाच घेत होते. त्यामुळे वैतागून त्यांनी एसीबीच्या मुख्यालयात तक्रार केली.

डीटीओच्या तक्रारीवरुन कारवाई करत जयपूर एसीबीच्या पथकाने अतिरिक्त एसपी भेरूलाल यांच्या बंगल्यावर छापा टाकण्यात आला. या छापाच्या अवघ्या एक तासापूर्वी एएसपी व्यासपीठावरुन लोकांना भ्रष्टाचार न करण्याचा सल्ला देत होते. ते सांगत होते की, जर कोणी लाच मागितली तर 1064 ला कॉल करा आणि भ्रष्टाचार संपविण्यासाठी सहकार्य करा.

बुधवारी एएसपी आपल्या सरकारी बंगल्यात 80000 रुपयांची लाच घेत होते. त्यावेळी जयपूर एसीबीच्या पथकाने त्यांना रंगेहाथ पकडले. लाचखोरीच्या या खेळात शिकारी स्वतः येथेच बळी पडला.