...नाहीतर तुला नापास करीन; शारीरिक संबंधासाठी दबाव आणणाऱ्या शिक्षकाला विद्यार्थ्यांनी घडवली अद्दल

राजस्थानच्या अलवर जिल्ह्यात एका शिक्षकाला अटक करण्यात आली आहे. हा शिक्षक आपल्याच विद्यार्थिनींना भुरळ घालत होता आणि नापास होण्याची धमकी देऊन शारीरिक संबंध ठेवण्यासाठी दबाव आणत असल्याची धक्कादायक बाब समोर आली आहे. या शिक्षिकेला पोलिसांनी अलवर येथील पासको कोर्टात हजर केले.

हे प्रकरण अलवर जिल्ह्यातील मंडण पोलीस हद्दीतील आहे. राज्य उच्च माध्यमिक विद्यालय रायसराणा येथे तैनात देवप्रकाश यादव मुलींची छेडछाड करीत शारीरिक संबंध ठेवण्यासाठी दबाव आणत असत. विद्यार्थ्यांनीच ही बाब उघडकीस आणली आहे.

नीमराणाचे पोलीस उपअधिक्षक लोकेश मीणा यांनी शाळेत जाऊन विद्यार्थी, शालेय कर्मचार्‍यांसह ग्रामस्थ व पालकांची निवेदने नोंदवून घेतली. शाळेत 3 तासांच्या चौकशीनंतर देवप्रकाशला अटक करण्यात आली.

देवप्रकाशला अलवर येथील पासको कोर्टात हजर करण्यात आले. विद्यार्थ्यांच्या वक्तव्यानंतर प्रशासकीय व शिक्षण विभागाच्या तपासणी अहवालात शिक्षक दोषी आढळल्याचे सांगण्यात येत आहे. शुक्रवारी पोलीस तपासातही तो दोषी आढळला, त्यानंतर त्याला अटक करण्यात आली

डीएसपी लोकेश मीणा यांनी सांगितलं की, या प्रकरणात पॉस्को अॅक्ट अंतर्गत गुन्हा दाखल करण्यात आला आहे. कोर्टाने त्याला 2 जानेवारीपर्यंत न्यायालयीन कोठडीत पाठविले आहे.